سندھ میں کرونا پھر سے سراٹھانے لگا:کورونا نےشادی ہالزاورریسٹورانٹس بند کروادیے

کراچی :سندھ میں کرونا پھر سے سراٹھانے لگا:کورونا نےشادی ہالزاورریسٹورانٹس بند کروادیے،اطلاعات کے مطابق ضلعی انتظامیہ نے کورونا وائرس سے بچاؤ کے لیے کراچی کے مختلف علاقوں میں ایس او پیز پر عملدرآمد نہ کرنے کیخلاف آپریشن کرکے 2 شادی ہالز کو سیل کردیا جبکہ 7 ہالز کو وارننگ دیں ہیں۔

میڈیا رپورٹس کے مطابق ضلعی انتظامیہ نے کورونا وائرس سے متعلق ایس او پیز پر عمل درآمد نہ ہونے پر 2 شادی ہالز کو سیل کردیا گیا جبکہ 7 کو وارننگ دے کر چھوڑ دیا۔

ضلعی انتظامیہ کے مطابق شہر کے 6 اضلاع کے 225 شادی ہالز میں سے 26 ہالز سمیت181 ریسٹورانٹس کا معائنہ کیا گیا، اب تک کو ایس او پیز پر عمل نہ کرنے کی بنیاد پر 67 ریسٹورانٹس کو وارننگ دی ہے اور 41 کو سیل کردیا ہے۔

ضلعی انتظامیہ کا کہنا تھا کہ 131 ریسٹورانٹس ایس او پیز کی خلاف ورزی کرتے ہوئے پائے گئے، جس کی وجہ سے اُن کو بند کردیا گیا ہے۔ضلعی انتظامیہ نے مزید کہا کہ کراچی کے مختلف علاقوں میں 7 دکانوں، فیکٹریوں اور میڈیکل اسٹورز کو بھی ایس او پیز پر عمل نہ کرنے کی وجہ سے سیل کر کے ایک لاکھ 30 ہزار روپے جرمانہ عائد کیا ہے۔

خیال رہے کہ کراچی میں گزشتہ 3 دنوں کے دوران ایس او پیز کی خلاف ورزی ہونے پر 9 شادی ہالز اور 159ریسٹوراٹنس کو سیل کیا جا چکا ہے-