کرونا سے پسے کرایہ داروں کے تحفظ کے لیے پنجاب حکومت کا احسن قدم

کرونا سے پسے کرایہ داروں کے تحفظ کے لیے پنجاب حکومت کا احسن قدم

باغی ٹی وی : کرونا کی وجہ سے بے روزگاری میں‌ پسی عوام کے لیے ایک احسن قدم ، حکومت پنجاب نے کرایہ داروں کے حقوق کے تحفظ کے لئے دو ماہ کے دورانیہ پر مشتمل احکامات جاری کر دئیے ہیں۔ صوبہ بھر میں کوئی بھی مالک مکان لاک ڈاؤن کی مدت کے دوران کرایہ دار کو زبردستی اور غیر قانونی طور پر بے دخل نہیں کر سکے گا۔

واجبات کی وصولی کو بنیاد بنا کر اس وقت تک بے دخلی نہیں ہو سکے گی، جب تک اس ضمن میں موجود قانون کے مطابق کارروائی پوری نہیں ہو جاتی۔

کرائے کی مد میں واجبات کی عدم ادائیگی یا تاخیر کو بنیاد بنا کر مالک مکان/ لینڈ لارڈ اپنی جگہ خالی نہیں کروا سکے گا۔ احکامات پر عمل درآمد فوری طور پر ہوگا اور 60 یوم تک جاری رہے گا۔ ایڈیشنل چیف سیکرٹری داخلہ مومن علی آغا کی ہدایت پر نوٹیفکیشن جاری کر دیا گیا ہے

ادھر کرونا وائرس کی پنجاب میں سپیڈ جاری ہے،پنجاب میں مزید 62 افراد میں کورونا کی تصدیق ہوئی ہے جس کے بعد صوبے میں کورونا سے متاثرہ افراد کی تعداد 2656 ہوگئی

تبلیغی اجتماع سے منسلک 43 مزید مبلغین میں کورونا کی تصدیق، صوبے میں تعداد 864 ہوگئی ،لاہور میں 11 مزید افراد کورونا کا شکار، شہر میں تعداد 445 ہوگئی ،جہلم میں 6 مزید مریضوں میں کورونا کی تصدیق،تعداد 33 ہوگئی ،سیالکوٹ میں 2 مزید افراد میں کورونا کی تصدیق، تعداد 29 ہوگئی ،گجرات میں مزید ایک شخص میں کورونا کی تصدیق، تعداد 136 ہوگئی ،پاکپتن میں بھی کورونا کا پہلا مریض سامنے آگیا

پنجاب میں کورونا وائرس سے 3 مزید ہلاکتیں ہوئی ہیں، محکمہ صحت کے ترجمان کے مطابق رحیم یار خان، ملتان اور بہاولپور میں ایک ایک ہلاکت رپورٹ ہوئی، پنجاب میں کورونا وائرس سے ہلاکتوں کی تعداد 24 ہوگئی،صوبے میں صحتیاب ہونے والوں کی تعداد 272 ہوگئی ,پنجاب میں 12 مریضوں کی حالت تشویشناک ہے

جواب چھوڑیں

آپ کا ای میل ایڈریس شائع نہیں کیا جائے گا.