fbpx

کورونا ایس او پیز کی خلاف ورزی، شہریار منور نے معافی مانگ لی

پاکستانی ماڈل و اداکار شہریارمنور نے کورونا ایس او پیز کی خلاف ورزی کرنے پر معافی مانگ لی۔

باغی ٹی وی : ملک میں کورونا وائرس کی دوسری لہر تیزی سے پھیل رہی ہے جس پر قابو پانے کے لیے حکومت، شوبز، اسپورٹس اور دیگر حلقوں سے تعلق رکھنے والی اہم شخصیات عوام سے بار بار ماسک پہنے اور کورونا ایس او پیز پر عمل کرنے کی درخواست کررہی ہیں-

تاہم اداکار شہریار منور کو ایس او پیز کی خلاف ورزی کرنے پر سوشل میڈیا صارفین نے تنقید کا نشانہ بنایا جس پر انہوں نے معافی بھی مانگی۔

چند روز قبل اداکار شہریار منور نے اداکارہ ثروت گیلانی کے گھر میں ایک تقریب میں شرکت کی جس میں وہ بغیر ماسک کے دکھائی دیئے جس پر انہیں تنقید کا سامنا کرنا پڑا-


شہریار منور نے سماجی رابطے کی ویب سائٹ ٹوئٹر پر اپنے ٹوئٹ میں معافی مانگتے ہوئے کہا کہ میں سالگرہ کی تقریب میں گیا تھا اور امید نہیں تھی کہ اتنے لوگ وہاں موجود ہوں گے لہذا میں صرف 5 منٹ میں واپس آگیا لیکن تصویر لینے کے لیے ماسک اتارا جس پر معافی چاہتا ہوں۔

شہریار منور نے سوشل میڈیا صارفین کا شکریہادا کرتے ہوئے کہا کہ وہ مشکور ہیں کہ صارفین نے ان کی توجہ اس طرف مبذل کرائی –

اداکار نے کہا کہ اس مشکل وقت میں ہمیں گورنمنٹ کی جانب سے لاگو کی گئی ایس او پیز پر ضرور عمل کرناچاہیئے میری دعائیں اس وبا میں مبتلا لوگوں کے لئے ہیں-

شہریار منور نے اپنے ٹوئٹ میں کورونا کے حوالے سے مختلف ہیش ٹیگز بھی استعمال کئے-

جواب چھوڑیں

آپ کا ای میل ایڈریس شائع نہیں کیا جائے گا.