کورونا ویکسین کے حصول میں‌ سعودی عرب کیسے کوشاں

کورونا ویکسین کے حصول میں‌ سعودی عرب کیسے کوشاں

باغی ٹی وی :کرونا وائرس کی ویکسین اب فائنل مراحل میں ہے. اور دنیا کے ممالک نے اس کے حصول کے لیے تگ و دو بھی شروع کردی ہے . سعودی عرب میں شاہ سلمان امدادی مرکز کے نگران اعلی ڈاکٹر عبداللہ الربیعہ کا کہنا ہے کہ کورونا ویکسین کے حوالے سے تتائج بڑی حد تک حوصلہ افزا ہیں۔العربیہ نیٹ کے مطابق ڈاکٹرالربیعہ نے جمعہ کے روز جاری بیان میں مزید کہا کہ ’مملکت ان ابتدائی ممالک میں شامل ہوگا جو اعلی معیار کی کورونا ویکسین حاصل کریں گے‘ ۔

ویکسین کی تقسیم کے حوالے سے ڈاکٹر الربیعہ کا کہنا تھا کہ ’ اس بارے میں قوی امید ہے کہ رواں برس دسمبر کے اختتام سے قبل کورونا ویکسین کی تقسیم کاآغاز کردیاجائے گا‘۔

ڈاکٹر الربیعہ نے اپنے بیان میں مزید کہا ’ سعودی عرب کی جانب سے کورونا ویکسین کی تیاری اور اس حوالے سے کی جانے والی تحقیق کےلیے مالی معاونت کرتا رہا ہے‘۔
انہوں نے مزید کہا سعودی عرب ہمیشہ انسانی ہمدردی کی بنیادوں پر کام کرتا ہے ۔ امدادی کاموں کے حوالے سے مملکت کا کوئی سیاسی ایجنڈا نہیں ۔ ’ ہم انسانی ہمدردی کے امور کی انجام دہی کے لیے اقوام متحدہ کے ساتھ مل کام کرتے ہیں ‘۔
امدادی مرکز کے نگران اعلی نے یمن میں جاری امداد کے حوالے سے کہا کہ ’حوثی ملیشا نے مرکز کی جانب سے ارسال کی جانے والی امدادی اشیا لوٹ کر انہیں بلیک مارکیٹ میں فروخت کردیا ‘ ۔
انہو ں نے مزید کہا ’ ہم یمن میں حوثی ملیشیا کے زیر تسلط علاقوں میں بھی ضرورتمندوں کی امداد جاری رکھیں گے‘۔

جواب چھوڑیں

آپ کا ای میل ایڈریس شائع نہیں کیا جائے گا.