قومی سطح پر کورونا ویکسین کی اوسط شرح 48 فیصد ہوچکی ہے اسد عمر

0
32

وفاقی وزیر منصوبہ بندی و سربراہ نیشنل کمانڈ اینڈ آپریشن سینٹر ( این سی او سی ) اسد عمر نے بتایا کہ قومی سطح پر کورونا ویکسین کی اوسط شرح 48 فیصد ہوچکی ہے –

باغی ٹی وی :سماجی رابطے کی ویب سائٹ ٹوئٹر پر اپنے ٹوئٹ میں اسد عمر کا کہنا تھا کہ خیبرپختونخوا میں 48 فیصد آبادی کو کوروناویکسین کی خوراک دی جاچکی پنجاب کی 52فیصد آباد ی کو کم از کم کورونا ویکسین کی ایک خوراک دی جاچکی ہے سندھ میں 40 فیصد آباد نے کورونا ویکسین لگوائی جبکہ بلوچستان میں 17 فیصد آبادی کورونا ویکسین لگواچکی ہے ۔


سربراہ این سی او سی کے مطابق اسلام آباد میں 87 فیصد آباد ی نے کورونا ویکسین لگوائی ،گلگت بلتستان میں 59فیصد لوگ ویکسین لگوا چکے ہیں،آزادکشمیر میں 54 فیصد لوگ ویکسین لگوا چکے ہیں۔

واضح رہے کہ پاکستان میں کورونا وائرس سے مزید 19 افراد جاں بحق ہوگئے ہیں نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 43ہزار901کورونا ٹیسٹ کیے گئے مزید 580 کورونا کیسز رپورٹ ہوئے۔

این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 12 لاکھ 75 ہزار158 جبکہ مجموعی اموات کی تعداد 28 ہزار 496 ہو گئی ہے اورمثبت کیسز کی شرح 1.32 فیصد رہی۔

سندھ میں کورونا کے کیسز کی تعداد 4 لاکھ 70ہزار978، خیبر پختونخوا میں ایک لاکھ 78 ہزار319، پنجاب میں 4 لاکھ 40 ہزار678، اسلام آباد میں ایک لاکھ 7 ہزار22، بلوچستان میں 33 ہزار280، آزاد کشمیر میں 34 ہزار489 اور گلگت بلتستان میں 10 ہزار392 ہو گئی ہے۔

کورونا کے سبب سب سے زیادہ اموات پنجاب میں ہوئی ہیں جہاں 12 ہزار 936 افراد جان کی بازی ہار چکے ہیں جبکہ سندھ میں 7 ہزار579، خیبرپختونخوا 5 ہزار757، اسلام آباد 941، گلگت بلتستان 186، بلوچستان میں 356 اور آزاد کشمیر میں 741 افراد جان کی بازی ہار چکے ہیں۔

Leave a reply