fbpx

کورونا ویکیسن لگوانے کی ویڈیو کیوں بنائی ؟ نیلم منیر نے وجہ بتا دی

پاکستان کی خوبرو اور باصلاحیت اداکارہ نیلم منیر نے بھی عالمی وبا کورونا وائرس سے بچاؤ کے لیے ویکسین لگوالی۔

باغی ٹی وی: نیلم منیر نے اپنے تصدیق شدہ انسٹاگرام اکاؤنٹ پر اپنی ایک ویڈیو شیئر کی ہے جس میں وہ کورونا ویکسین لگوا رہی ہیں۔

نیلم منیر نے ویڈیو شیئر کرتے ہوئے کیپشن میں بتایا کہ اُنہوں نے اور اُن کی والدہ نے کورونا ویکسینیشن کی پہلی خوراک لے لی ہے۔

اداکارہ نے ویکسین لگواتے ہوئے ویڈیو بنانے کی وجہ بیان کرتے ہوئے لکھا کہ میں نے یہ ویڈیو صرف اس لیے بنائی ہے تاکہ دوسرے لوگوں کو ویکسین لگوانے کی ہمت اور حوصلہ مل سکے۔‘

نیلم منیر نے لکھا کہ کورونا وائرس سے خود کو بچائیں اور تمام احتیاطی تدابیر اختیار کریں۔

اُنہوں نے اپیل کرتے ہوئے کہا کہ براہ کرم! اپنے آپ کو اور اپنے پیاروں کو لازمی کورونا ویکسین لگوائیں۔

خیال رہے کہ نیلم منیر سے قبل بھی پاکستان شوبز کے کئی فنکار ویکسین لگواچکے ہیں جن میں عدنان صدیقی، بشریٰ انصاری، ارمینا خان، عفت عُمر، حنا خواجہ، سیمی راحیل،ندا یاسر، یاسر نواز،راحت کاظمی، میرا اور ثمینہ پیرزادہ سمیت دیگر شامل ہیں-

جواب چھوڑیں

آپ کا ای میل ایڈریس شائع نہیں کیا جائے گا.