کرونا وائرس،پاکستان تنہا نہیں، چین ،سعودی عرب کے بعد ایک اور ملک مدد کو آ گیا

کرونا وائرس،پاکستان تنہا نہیں، چین ،سعودی عرب کے بعد ایک اور ملک مدد کو آ گیا

باغی ٹی وی کی رپورٹ کے مطابق کرونا وائرس سے نمٹنے کے لئے چین، سعودی عرب کے بعد ایک اور ملک پاکستان کی مدد کو آ گیا

جاپان کی حکومت نے کرونا وائرس سے نمٹنے کے لئے پاکستان کو 21 لاکھ 60 ہزار ڈالر دینے کا اعلان کردیا۔ اسلام آباد میں قائم جاپانی سفارت خانے کی جانب سے جاری ہونے والے اعلامیے کے مطابق جاپان کی جانب سے پاکستان کو 2.16 ملین ڈالر کی امداد دی جائے گی۔

پاکستان کو امداد اقوام متحدہ، آئی او ایم کے ذریعےفراہم کی جائے گی جس کا مقصد کرونا وائرس سے نمٹنے کے لیے اقدامات کرنا ہے، جاپانی سفارت خانے نے اس امید کا اظہار کیا کہ رقم سے پاکستان کی صلاحیتوں میں مزید اضافہ ہواگا اور مزید اقدامات بھی کیے جائیں گے۔ علاوہ ازیں آلات اور دیگر سامان فراہم بھی کیا جائے گا۔

پاکستان میں جاپان کے سفیر کا کہنا تھا کہ کرونا کے خلاف پاکستان کی کاوشیں اور اقدامات قابلِ تعریف ہیں، جاپان ہمیشہ پاکستان کے ساتھ کھڑا ہوتا ہے، پولیوکےخاتمےکے حوالے سے بھی جاپان نے بھرپور تعاون کیا

قبل ازیں کرونا وائرس سے نمٹنے کے لئے چین کے بعد سعودی عرب بھی پاکستان کی مدد کو آ گیا

پاکستان میں سعودی عرب کے سفیر نواف بن سعید المالکی نے پاکستان کے وزیر مذہبی امور پیر نورالحق قادری سے ملاقات کی اور کورونا وائرس سے بچاؤ کے لیے سعودی حکومت کا پاکستان کے لیے تحفہ ان کے حوالے کیا.

سعودی حکومت کی جانب سے پاکستان کو 270 تھرمل سکیز،550 باکس سرجیکل ماسک کا تحفہ دیا گیا ہے، سعودی عرب کی جانب سے دیئے گئے طبی سامان میں 550 باکس سینی ٹائمزر،350 سیفٹی کٹس اور 550 باکس سرجیکل گلوز بھی شامل ہیں

اس موقع پر پیر نورالحق قادری کا کہنا تھا کہ دونوں ممالک کے مابین اخوت کے رشتے ہیں، سعودی عرب نے پاکستان کی مشکل وقت میں مدد کر کے ثابت کر دیا کہ دونوں ملکوں کی دوستی اٹوٹ ہے.سعودی سفیر نے یقین دہانی کروائی کہ سعودی عرب مشکل میں پاکستان کے ساتھ کھڑا ہے، سعودی عرب خود وبا سے متاثر ہے لیکن ہم پاکستان سمیت دیگر ممالک کی مدد کرتے رہیں گے

واضح رہے کہ کرونا سے نمٹنے کے لئے چین بھی پاکستان کی مدد کر رہا ہے، چین سے چھ جہاز طبی سامان کے لا چکے ہیں ،چینی ڈاکٹرزکی بھی ایک ٹیم پاکستان میں موجود ہے

جواب چھوڑیں

آپ کا ای میل ایڈریس شائع نہیں کیا جائے گا.