کرونا وائرس، پاکستان میں ایک اور ڈاکٹر چل بسا
باغی ٹی وی کی رپورٹ کے مطابق کرونا وائرس سے ایک اور پاکستانی ڈاکٹر کی موت ہو گئی ہے
خیبر پختونخواہ کے صوبائی دارالحکومت پشاور کے حیات آباد میڈیکل کمپلیکس کے ڈاکٹر ، سینئر پروفیسر کی کرونا وائرس کی وجہ سے موت ہو گئی ہے، پروفیسر ڈاکٹر جاوید میں کچھ روز قبل کرونا وائرس کی تشخیص ہوئی تھی
حیات آباد میڈیکل کمپلیکس کے ترجمان کا کہنا ہے پروفیسر ڈاکٹر جاوید گردوں کے عارضے میں بھی مبتلا تھے
واضح رہے کہ اس سے قبل گلگت اور سندھ میں ایک ایک ڈاکٹر کی کرونا وائرس کی وجہ سے موت ہو چکی ہے جبکہ ملک بھر میں کرونا وائرس سے 250 سے زائد طبی عملے کے اہلکاروں میں کرونا وائرس کی تشخیص ہو چکی ہے
خیبرپختونخوا میں ڈاکٹر اور نرسز سمیت طبی عملے کے 25 ارکان کورونا وائرس کے شکارہو گئے ہیں
پرونشیل ڈاکٹر ایسوسی ایشن نے انکشاف کیا ہے کہ متاثرین میں 12 ڈاکٹرز،8 نرسزاور5 پیرامیڈکس شامل ہیں،حیات آباد میڈیکل کمپلیکس پشاور سےایک،ایوب ٹیچنگ اسپتال سے 2 ڈاکٹرز میں وائرس کی تشخیص ہوئی ہے،خیبر پختونخوا ڈائریکٹر پبلک ہیلتھ اور ڈی ایچ او مالاکنڈ میں بھی کورونا کی تصدیق ہوئی ہے،
تیمرگرہ،بنوں ،مردان اور پشاور کے 4 سرکاری اسپتالوں کے ڈاکٹرز بھی کورونا وائرس کی لپیٹ میں آ چکے ہیں،پشاور کے نجی اسپتال نارتھ ویسٹ کے ڈاکٹر کا بھی کورونا ٹیسٹ پازیٹیو آیا ہے،صوبے کے مختلف اسپتالوں سے 8 نرسز میں کورونا وائرس کی تشخیص ہوئی ہے
ڈی ایچ کیو مردان کا وارڈ بوائے کورونا وائرس سے جاں بحق ہو چکا ہے.
عمران خان نے اسمبلیاں توڑنے کے لئے سمری صدر کو کیوں بھیجی؟ سیاسی میدان میں بڑی ہلچل
سعودی ولی عہد کے خلاف بغاوت کے الزام میں شاہی خاندان کے 20 مزید افراد گرفتار
سعودی عرب میں بغاوت ، کون ہوگا اگلا بادشاہ؟ سینئر اینکر پرسن مبشر لقمان نےبتائی اندر کی بات
خلیل الرحمان قمر vs ماروی سرمد | مبشر لقمان بھی میدان میں آگئے۔