کرونا وائرس ممبراسمبلی میں ہونے کی تصدیق ہوگئی ، اسمبلی میں خطرے کے الارم بج گئے

لندن: کرونا وائرس ممبراسمبلی میں ہونے کی تصدیق ہوگئی ، اسمبلی میں خطرے کے الارم بج گئے ،اطلاعات کےمطابق رکن اسمبلی نے انکشاف کیا ہے کہ انہوں نے کرونا وائرس کا ٹیسٹ کروایا جس کا رزلٹ مثبت آیا۔

برطانوی خبررساں ادارے کی رپورٹ کے مطابق لیڈز نارتھ ویسٹ اسمبلی کے بلدیاتی رکن اسمبلی الیکس سوبل نے تصدیق کی کہ انہیں اپنی طبیعت اچھی محسوس نہیں ہورہی تھی جس کے بعد انہوں نے ٹیسٹ کروانے کا فیصلہ کیا۔

رکن اسمبلی نے بتایا کہ انہوں نے ایک کانفرنس میں جانے سے قبل کرونا وائرس کا ٹیسٹ کروایا جس میں مرض کی تشخیص ہوئی مگر اس کی شدت بہت کم تھی۔

رپورٹ کے مطابق الیکس سوبل نے رپورٹ ملنے کے بعد اپنے ڈاکٹر سے رجوع کیا اور پھر علاج کروایا اور انہوں نے لندن میں ہونے والی ’یوکے بس سمٹ‘ میں شرکت کی۔برطانوی میڈیا رپورٹ کے مطابق الیکس کے علاوہ جنوبی علاقے سے کسی بھی بلدیاتی نمائندے نے کانفرنس میں شرکت نہیں کی۔

یاد رہے کہ چین کے شہر ووہان سے پھیلنے والے مہلک وائرس کی وجہ سے اب تک تقریباً 1500 افراد ہلاک اور 40 ہزار سے زائد متاثر ہوچکے ہیں، ایک روز قبل جاپان میں بھی کرونا کا مریض زندگی کی بازی ہار گیا۔

عالمی ادارہ صحت نے ناول کرونا وائرس کو COVID19 کا باقاعدہ نام دے دیا جبکہ دنیا بھر کے ماہرین اس وائرس کو کنٹرول کرنے کے حوالے سے تجربات بھی کررہے ہیں، امکان ظاہر کیا جارہا ہے کہ جلد ہی کوئی بڑی پیش رفت سامنے آئے گی۔

جواب چھوڑیں

آپ کا ای میل ایڈریس شائع نہیں کیا جائے گا.