کرونا وائرس، امریکی سفارتی عملے کے کتنے ارکان نے پاکستان چھوڑ دیا؟

کرونا وائرس، امریکی سفارتی عملے کے کتنے ارکان نے پاکستان چھوڑ دیا؟

باغی ٹی وی کی رپورٹ کے مطابق کرونا وائرس کے بڑھتے ہوئے مریضوں کے بعد پاکستان سے امریکی سفارتی عملے کے مزید 60 افراد پاکستان سے روانہ ہو گئے

امریکی سفارتی عملے کے افراد خصوصی طیارے کے ذریعے پاکستان سے روانہ ہوئے، امریکہ نے پاکستان میں سفارتی عملہ کم کرنے کا فیصلہ کیا تھا اس ضمن میں کچھ روز قبل بھی سفارتی عملے کے اہلکار واپس جا چکے ہیں ، آج 60 افراد افغانستان چلے گئے جہاں سے ان کی امریکہ روانگی متوقع ہے.

امریکا نے کرونا وائرس سے احتیاطی تدابیر کے طور پر ویزاسیکشن بند کر دیا گیا ہے اور انتہائی کم عملے کو دفتر آنے کی اجازت دی گئی ہے۔ امریکی شہریوں اور ایمرجنسی ویزا درخواست گزاروں کو سفارتی سروس کی فراہمی جاری رکھی جائے گی۔

ترجمان امریکی سفارتخانہ کے مطابق اسٹیٹ ڈیپارٹمنٹ نے سفارتی اسٹاف اور اہلخانہ کو وطن واپسی کی اجازت دی تھی جس کے بعد عملے کی واپسی کا کام شروع ہوا،امریکی سفارتی عملے کی واپسی کے حوالہ سے پہلی بار 22 مارچ کو سفارتی عملے کا 75 رکنی وفد واپس روانہ ہوا تھا

ترجمان امریکی سفارتخانہ کا کہنا ہے امریکی شہریوں کو واپسی کیلئے دستیاب آپشنز کی اطلاع فراہم کرتے رہیں گے

واضح رہے کہ پاکستان میں کرونا وائرس کے مریضوں کی تعداد 1022 ہو چکی ہیں جبکہ 8 ہلاکتیں ہو چکی ہیں، امریکا میں بھی کرونا وائرس سے ہلاکتوں میں اضافہ ہو رہا ہے،کورونا سے نیویارک میں 368 اورواشنگٹن میں 133 ہلاکتیں ہوئیں،لوئزیانا 67 ، نیو جرسی 65 اور جارجیامیں 47 افراد جان کی بازی ہار گئے

جواب چھوڑیں

آپ کا ای میل ایڈریس شائع نہیں کیا جائے گا.