کورونا وبا میں مبتلا ہونا بہت ہی بھیانک اور بُرا تھا امریکی گلوکارہ

امریکی گلوکارہ پنک نے کہا ہے کہ کورونا وائرس میں مبتلا ہونا بہت ہی بھیانک تھا نہیں لگتا تھا کہ میں بچ پاؤں گی۔

باغی ٹی وی : غیر ملکی خبر رساں ادارے کے مطابق ایک انٹرویو میں 41 سالہ گلوکارہ پنک نے بتایا کہ وہ وقت بہت ہی برا تھا جب میں کورونا وبا میں مبتلا تھی یہاں تک کہ میں نے اپنی وصیت بھی دوبارہ لکھ لی تھی۔

گلوکارہ نے بتایا کہ بیماری کے دوران ایک وقت ایسا بھی آیا جب مجھے اپنے اور بیٹے کے لئے لگا کہ اب ہمارے لئے وقت ختم۔

انہوں نے مزید بتایا کہ بیماری کے دوران میں نے اپنی قریبی دوست کو فون کر کے بتایا کہ میں اپنی بیٹے سے بےحد پیار کرتی ہوں۔

واضح رہے کہ گزشتہ سال اپریل میں گلوکارہ پنک اور ان کے 4سالہ بیٹے میں کورونا وائرس کی تشخیص ہوئی تھی۔جبکہ ان کے شوہر اور بیٹی بیماری میں مبتلا نہیں ہوئے تھے۔

Leave a reply