کرپشن کو اسلامی ٹچ دینا پی ٹی آئی کا طریقہ واردات ہے،طلال چوہدری

اسلام آباد: وفاقی وزیر اطلاعات عطا اللہ تارڑ نے کہا ہے کہ 190 ملین پاؤنڈز میگا کرپشن اتفاق نہیں بلکہ سوچا سمجھا منصوبہ تھا جبکہ سینیٹر طلال چوہدری کا کہنا ہے کہ کرپشن کو اسلامی ٹچ دینا پی ٹی آئی کا طریقہ واردات ہے-
باغی ٹی وی: سینیٹر طلال چوہدری کے ساتھ پریس کانفرنس کرتے ہوئے وفاقی وزیر اطلاعات عطا اللہ تارر نے کہا کہ 190 ملین پاؤنڈز کیس کا آج فیصلہ ہونا تھا لیکن ملزمان عدالت میں پیش نہیں ہوئے انہوں نے عدالتوں میں پیش نہ ہونے کی عادت بنا لی ہے۔
عطا اللہ تارڑ نے کہا کہ فارن فنڈنگ کیس میں 6 سال تک غیر حاضری اور تاخیری حربے استعمال کیے گئے توشہ خانہ کیس میں بھی انہوں نے تاخیری حربے استعمال کیے کبھی وکیل تبدیل کیے تو کبھی وکالت نامے تبدیل کیے گئے بے گناہ لوگ کبھی وکالت نامے اور وکیل تبدیل نہیں کرتے، عدالتی کیسز میں تاخیری حربے استعمال کرنا ان کا وتیرہ رہا ہے ان عناصر نے مقدمات کو طول دینے کے لیے تمام حربے استعمال کیے ہیں۔
فیصلہ فیصلہ کا راگ الاپنے والوں کا پورا ٹبر عدالت سے غائب رہا،عظمیٰ بخاری
انہوں نے کہا کہ انہیں کابینہ میں بند لفافہ لے کر جانے کی کیا ضرورت تھی؟۔پی ٹی آئی دور کی کابینہ نے 190 ملین پاؤنڈز ڈاکے کی توثیق کی بند لفافے میں حقائق بتائے بغیر فیصلہ کر دیا گیا 190 ملین پاؤنڈز کیس پاکستان کی تاریخ کا میگا کرپشن کیس ہے تاریخ میں اتنی بڑی کرپشن کی مثال کہیں نہیں ملے گی۔ ہیرے کی انگوٹھیاں، القادر ٹرسٹ کے لیے زمین، اس کیس سے منسلک ہیں یہ محض اتفاق نہیں تھا، سوچا سمجھا منصوبہ تھا۔
عمران کو سزا سنانے والے ججز اسلام آباد ہائیکورٹ میں لگائے جا رہے،اسد قیصر
وفاقی وزیر نے کہا کہ بند لفافے میں منظوری وہ لیتا ہے جسے ڈر ہو اس طرح اربوں روپے معاف کرنے کی تاریخ میں مثال نہیں ملتی فراڈ ٹرسٹ کے ذریعے بلیک منی کو وائٹ کیا گیا۔ میگا کرپشن سے انہوں نے لاہور میں اپنے گھر کو دوبارہ سے تعمیر کیا جس شخص کے اربوں روپے معاف کیے، اس سے اربوں روپے وصول کیے میگا کرپشن سے یہ اس لیے بھاگ رہے ہیں کہ انہیں پتا ہے کہ اس کرپشن میں ان کے ہاتھ رنگے ہوئے ہیں۔
پی ایس ایل 2025:ڈرافٹ کی تقریب،تینوں کیٹیگریز میں کھلاڑیوں کا انتخاب
سینیٹر طلال چوہدری نے پریس کانفرنس میں کہا کہ کرپشن کو اسلامی ٹچ دینا پی ٹی آئی کا طریقہ واردات ہے بانی چیئرمین پی ٹی آئی اور ان کی اہلیہ توشہ خانہ لوٹ کر کھا گئے۔ پی ٹی آئی والے مقدمات کا سامنا کرنے کے بجائے ڈیل کا تاثر دیتے ہیں، نواز شریف اور ان کے خاندان نے سیاسی انتقام کا بہادری سے مقابلہ کیانواز شریف فیصلہ سننے برطانیہ سے پاکستان آ گئے تھے، لیکن ایک شخص اس قابل نہیں کہ چند قدم چل کر آئے، عدالت میں پیش ہو کر اپنے مقدمات کا سامنا کرے۔
پاکستان نے سکھ اور ہندو یاتریوں کے لیے ویزا پالیسی میں نرمی کر دی