عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دیا

0
90
منی لانڈرنگ کا مقدمہ،چالان سماعت کے لیے منظور،مونس الہیٰ کا سمن جاری

عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دیا.

لاہور ہائیکورٹ نے مونس الہٰی کی اہلیہ تحریم الہٰی کے وکیل کو ایف آئی اے کی رپورٹ پر جواب جمع کروانے کے لیے وقت دے دیا، ڈائیریکٹر ایف آئی اے نے بتایا کہ ملزمہ پر 3 کروڑ 34 لاکھ روپے منی لانڈرنگ کا مقدمہ درج ہے۔ لاہور ہائیکورٹ کے جسٹس شہرام سرور نے مونس الہٰی کی بیوی تحریم الہٰی کو ملک سے باہر جانے سے روکنے کے خلاف درخواست پر سماعت کی۔

ڈائیریکٹر ایف آئی اے لاہور نے رپورٹ جمع کرواتے ہوئے عدالت کو بتایا کہ تحریم الہٰی کے خلاف منی لانڈرنگ کا مقدمہ درج ہے جس میں وہ نامزد ملزمہ ہیں۔ عدالت نے استفسار کیا کہ منی لانڈرنگ کا ایک مقدمہ عدالت نے خارج کر دیا تھا، جس پر ڈائریکٹر ایف آئی اے نے بتایا کہ اس میں مونس الہٰی نامزد ملزم تھا۔
مزید یہ بھی پڑھیں؛
قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
نگراں کابینہ غیرسیاسی اور غیر جانبدارہوگی، شوکت یوسفزئی
پابندیوں کے باوجود پاکستان روس سے تیل خرید سکتا ہے. امریکہ
نگراں کابینہ غیرسیاسی اور غیر جانبدارہوگی، شوکت یوسفزئی
عدالت نے استفسار کیا کہ وہ اب کہاں ہے، جس پر ڈائریکٹر ایف آئی اے نے بتایا کہ وہ 28 تاریخ کو ملک سے باہر چلے گئے تھے۔ لاہور ہائیکورٹ نے ریمارکس دیے کہ کہیں آپ اس کا غصہ اس کی بیوی پر تو نہیں نکالنا چاہتے۔ عدالت نے ایف آئی اے کو مقدمہ اور جمع کروائی گئی رپورٹ کی نقل ملزمہ کے وکیل کو دینے کی ہدایت کی۔ امجد پرویز ایڈووکیٹ نے جواب جمع کروانے کے لئے وقت مانگ لیا جس پر عدالت نے کیس کی سماعت 3 فروری تک ملتوی کردی۔

Leave a reply