اللہ سے معافی کے بعد عدالت نے بھی رابی پیرزادہ کومعاف کردیا

لاہور:اللہ سے معافی کے بعد عدالت نے بھی رابی پیرزادہ کومعاف کردیا ،اطلاعات کےمطابق عدالت نےسابقہ گلوکارہ رابی پیرزادہ کو غیرقانونی طور پر مگر مچھ اور سانپ پالنے کے کیس میں بری کرنے کا حکم دے دیا ۔

تفصیلات کے مطابق سابقہ گلوکارہ رابی پیرزادہ پرغیر قانونی طور پرمگر مچھ اور اژدھے پالنے کے خلاف کیس کی سماعت ہوئی۔ کیس کی سماعت جوڈیشل مجسٹریٹ حارث صدیقی نےکی۔ اس موقع پرسابقہ گلوکارہ کے وکیل بیرسٹر حسن خالدرانجھانےدلائل پیش کیےکہ رابی پیرزادہ کااس مقدمہ میں کوئی کردار نہیں ہے۔

وائلڈ لائف نے کارروائی پہلے شروع کی اورسرچ وارنٹ بعدمیں لیے۔ ان کا مزید کہنا تھاکہ وائلڈ لائف نےذاتی رنجش کی بنیاد پر رابی پیرزادہ کو مقدمے میں ملوث کیا۔دلائل مکمل ہونے پرعدالت نےرابی پیرزادہ کو مقدمےمیں بری کرنے کا حکم دےدیا ۔

واضح رہے 13 ستمبر کو غیرقانونی طور پراژدھے، مگرمچھ اورسانپ رکھنے پر گلوکارہ کے خلاف محکمہ وائلڈ لائف نے کارروائی کا آغاز کیا تھا اور گلوکارہ کےخلاف چالان مرتب کرکےمقامی عدالت میں پیش کیا تھا۔

وائلڈ لائف کی جانب سےرابی پیرزادہ پر الزام عائد کیا گیا تھا کہ انہوں نے مگرمچھ، سانپ ، اژدھے رکھے ہیں جو کہ وائلد لائف ایکٹ کی خلاف ورزی ہے اوررابی پیرزادہ کے خلاف کارروائی سوشل میڈیاپرموجود ویڈیوز کا نوٹس لےکر ہی عمل میں لائی گئی ہے۔

گلوکارہ رابی پیرزادہ اس سے قبل اپنے سوشل میڈیا اکاؤنٹس اور انسٹاگرام پر سانپ، اژدھے اور مگر مچھ کے ہمراہ ویڈیو اور تصاویر شیئر کرچکی ہیں۔

جواب چھوڑیں

آپ کا ای میل ایڈریس شائع نہیں کیا جائے گا.