fbpx

کمیونسٹ پارٹی کے جنرل سیکریٹری سیتارام نے بھارتی جھوٹ کا پول کھول دیا

مارکسی کمیونسٹ پارٹی (سی پی ایم ) کے جنرل سیکریٹری سیتارام یچوری نے بھارتی جھوٹ کا پول کھول دیا۔ سیتارام پارٹی کے بیمار کارکن محمد یوسف تاریگامی سے ملاقات کے لیے جمعرات کو سری نگر گئے۔
کشمیر، کرفیو 26 ویں روزمیں داخل، چھتیس گڑھ کے علیحدگی پسندوں کا کشمیر کی حمایت کا اعلان
جمعہ کو نئی دہلی واپس آنے پر میڈیا انٹرویو میں سیتارام یچوری نے کہا ، "ہمیں کسی اور سے ملنے کی اجازت نہیں تھی لہذا صورتحال کا اندازہ نہیں لگایا جا سکتا تھا۔ لیکن میں نے سڑکوں پر جو کچھ دیکھا ، وہ صورتحال حکومتی دعووں کے برعکس ہے۔ ہم جمعرات اور جمعہ کی صبح محمد یوسف سے دو بار ملے۔ جمعہ کو ڈاکٹربھی ساتھ تھے۔“

وادی کشمیر کی تازہ صورتحال کے حوالے سے سیتارام نے کہا کہ انہیں کسی قسم کی معلومات اکٹھا کرنے کی اجازت نہیں ہے۔ ”یوسف تاریگامی کے قیام کی جگہ سے ، ہمیں ایک گیسٹ ہاوس میں لے جایا گیا جہاں ہم رات رہے۔ لیکن جو ظاہر ہوا وہ ان دعووں کے بالکل برعکس ہے جو دعوے کیے جا رہے ہیں۔ جو کچھ میں نے دیکھا ہے، میں اسے سپریم کورٹ میں جمع کروں گا۔

سیتارام نے مزید کہا ، ”محمد یوسف اپنے خاندان کے ساتھ اپنے گھر میں قید ہے۔ نہ وہ اپنا گھر چھوڑ سکتا ہے اور نہ ہی کوئی اس سے مل سکتا ہے۔“