سیالکوٹ : مشیر برائے کھیل وہاب ریاض نے کرکٹ ہائی پرفارمنس سینٹر کا افتتاح کردیا

سیالکوٹ،باغی ٹی وی (سٹی رپورٹ شاہد ریاض)زیراعلی پنجاب کے مشیر برائے کھیل وہاب ریاض نے سیالکوٹ کرکٹ ہائی پرفارمنس سینٹر کا افتتاح کردیا , کرکٹ ہائی پرفارمنس سینٹر کو ایک ارب روپے کی زائد کی لاگت سے مکمل کیا گیا ہے.سیالکوٹ جدید سہولیات سے آراستہ کرکٹ ہائی پرفارمنس سینٹر کا افتتاح وزیر اعلیٰ پنجاب کے مشیر برائے کھیل وھاب ریاض نے کردیا، اس موقع پر ڈی جی سپورٹس پنجاب آصف طفیل، ڈی سی سیالکوٹ عدنان محمود، صدر سیالکوٹ چیمبر ملک غفور سمیت دیگر اھم شخصیات موجود تھیں سیالکوٹ کرکٹ ہائی پرفارمنس سینٹر کو ایک ارب روپے کی زائد کی لاگت سے مکمل کیا گیا ہے۔ہائی پرفارمنس سینٹر میں انڈور بیٹنگ باؤلنگ کمپلیکس، جم، پریکٹس پچز، ہاسٹل اور ایڈمن بلاک موجود ہیں۔ مشیر برائے کھیل وھاب ریاض کا کہنا تھا کہ کرکٹ ہائی پرفارمنس سینٹر پاکستان کرکٹ کی ترقی میں اہم کردار ادا کرے گا۔ کرکٹ بورڈ سمیت تمام اسٹیک ہولڈرز کو ساتھ لے کر چلیں گے۔ گراس روٹ لیول پر کرکٹ کی ترویج کے لئے سیالکوٹ اور فیصل آباد میں ھائیپرفارمنس سنٹر تعمیر کئے گئے ھیں۔