کرکٹرشاہنواز دھانی کے لاڑکانہ پہنچنے پر بلاول نے دی مبارکباد اور کیا کہہ دیا

0
41

کرکٹرشاہنواز دھانی کے لاڑکانہ پہنچنے پر بلاول نے دی مبارکباد اور کیا کہہ دیا

باغی ٹی وی :بلاول بھٹو کی لاڑکانہ سےتعلق رکھنےوالےقومی کرکٹرشاہنواز دھانی کوبہترین کارکردگی پرمبارکباد دی ہے. بلاول کا کہنا تھا کہ شاہنواز دھانی نےبہترین کارکردگی کےذریعے تمام پاکستانیوں کےدل جیت لیے،شاہواز دھانی نےلاڑکانہ کےباسیوں کےسربلندکردیئے،

سندھ کےنوجوان بڑےحوصلےاور صلاحیتوں کےمالک ہیں،کھیل صحت مند معاشرےکیلئے ناگزیرہے،کھلاڑیوں کی ستائش اورانہیں سہولیات دینےکی ضرورت ہے،

پاکستان سپر لیگ میں سب سے زیادہ وکٹیں حاصل کرنے والے فاسٹ بولر شاہنواز دھانی ٹیم کی فتح یابی کے بعد اپنے شہر لاڑکانہ پہنچ گئے ہیں، شاہنواز دھانی کا پولیس ٹریننگ سینٹر کے قریب والہانہ استقبال کیا گیا اور پھول نچھاور کیے گئے۔

شاہنواز دھانی کے اہل خانہ اور رشتے داروں سمیت سائقین کرکٹ کی بڑی تعداد نے استقبال کیا، اس موقع پر فاسٹ بولر نے کہا کہ اللہ کا شکر گزار ہوں کہ کم وقت میں مجھے اس مقام پر پہنچایا۔

ان کا کہنا تھا کہ کامیابی میں والدین، بڑوں اور پورے پاکستان کی دعائیں ساتھ تھیں، اعزاز کی بات ہے کہ پی ایس ایل میں بیسٹ بولر بن کر اور ملتان سلطان کو پی ایس ایل 6 کا چیمپیئن بناکر گاؤں لوٹا ہوں

خیال رہے کہ پی ایس ایل کے فائنل میں پشاور زلمی کی ٹیم ملتان سلطان کے ہدف کو پورا نہ کرسکی اور ملتان سلطان نے یہ فائنل جیت لیا ، پی ایس ایل سیزن 6 میں شاہنواز دھانی نے سب سے زیادہ وکٹیں حاصل کیں جس کے باعث وہ ٹورنامنٹ کے بہترین بولر اور بہترین ایمرجنگ پلیئر قرارپائے۔ ملتان سلطانزکے فاسٹ بولر نے 11 میچز میں 20 وکٹیں حاصل کیں

Leave a reply