قومی کرکٹرزکا ماہرہ خان اور فہد مصطفیٰ کی فلم قائداعظم زندہ باد کے لئے نیک خواہشات کا اظہار

قومی کرکٹ ٹیم کے کھلاڑیوں نے ماہرہ خان اور فہد مصطفیٰ کی نئی آنے والی فلم ’قائد اعظم‘ کا ٹیزر دیکھنے کے بعد اُن کے لیے نیک خواہشات کا اظہار کیا ہے۔

باغی ٹی وی :سماجی رابطے کی ویب سائٹ ٹوئٹر پر قومی کرکٹ ٹیم کے آل راؤنڈر محمد حفیظ نے ماہرہ خان اور فہد مصطفیٰ کی فلم ’قائداعظم ‘ کا ٹیزر شیئر کرتے ہوئے لکھا کہ مجھے یہ جاننے کے لیے تجسس ہو رہا ہے کہ نوٹوں پر قائداعظم کی تصویر کیوں ہے۔


محمد حفیظ نے اپنے ٹوئٹ میں ماہرہ خان اور فہد مصطفیٰ سے مخاطب ہوتے ہوئے اُن کی اس نئی فلم کے لیے نیک تمناؤں کا اظہار کیا۔

فاسٹ باؤلر محمد عامر نے بھی ٹوئٹر پر فہد مصطفیٰ کو مخاطب کرتے ہوئے فلم ’قائد اعظم‘ کے لیے نیک خواہشات کا اظہار کیا ہے-


سابق کپتان اور آل راؤنڈر شعیب ملک نے بھی اپنے ٹوئٹر اکاؤنٹ پر فلم’قائد اعظم‘ کا ٹیزر شیئر کیا ہے اور اُس کے ساتھ ہی فلم کے ہدایتکار نبیل قریشی ، ماہرہ خان اور فہد مصطفیٰ کو مخاطب کرتے ہوئے لکھا کہ آپ دونوں نے کبھی بھی ہمیں اپنے کام سے مایوس نہیں کیا اور مجھے اُمید ہے کہ اس بار بھی آپ کا کام ہمیں زبردست تفریح مہیا کرے گا-


واضح رہے کہ ماہرہ خان اور فہد مصطفیٰ کی آنے والی فلم قائد اعظم کا ٹیزر شئیر کیا ہے جس نے سامنے آتے ہیں دھوم مچا دی ہے نہ صرف شائقین بلکہ معروف شخصیات کو بھی فلم کے ریلیز ہونے کا بے چینی سے انتظار ہے اور وہ فلم اور اداکاروں کے لئے نیک خواہشات کا اظہار کر رہے ہیں-

ماہرہ خان نے بھی فلم کا ٹیزر اپنے سوشل میڈیا اکاؤنٹ پر شیئر کرتے ہوئے لکھا تھا یہ تو چھوٹاسا ٹیزر ہے جانی اس کا مطلب ہے کہ اس چھوٹے سے ٹیزر نے اتنی دھوم مچا دی ہے تو پھرفلم تو خوب شائقین کو محفوظ کرنے والی ہے-

انہوں نےساتھ ہی فلم کا ڈائیلاگ بھی لکھا تھا کہ جانتے ہو نوٹوں پر قائداعظم کی تصویر کیوں ہے؟

42 سیکنڈ کے مختصر ٹیزر کو دیکھ کر لگتا ہے کہ فلم بہت دھوم مچانے والی ہے اور فلم میں ایکشن اور رومینس شائقین کو بالی وڈ کی فلمیں بھلانے پر مجبور کردے گی اس فلم میں ماہرہ اور فہد کی جوڑی پہلی بار ایک ساتھ نظر آرہی ہے-

فلم کے 42 سیکنڈ کے ٹیزر میں فلم کی کہانی کے بارے میں کچھ خاص اندازہ نہیں ہوتا بس یہ عندیہ ملتا ہے کہ فہد مصطفیٰ اس میں ایک پولیس اہلکار کے روپ میں نظر آئیں گے، جو ٹیزر میں یہ سوال پوچھتے ہیں کہ کیا آپ کو معلوم ہے کہ نوٹوں پر قائداعظم کی تصویر کیوں ہوتی ہے؟

ٹیزر میں ماہرہ خان کی ایک جھلک ہی دکھائی دی ہے لیکن اس ایک جھلک سے بھی اندازہ ہوگیا کہ فلم صرف ہیرو کے گرد نہیں گھومتی بلکہ اس میں ماہرہ خان کا بھی بہت جاندار کردار ہے-

فلم ’قائداعظم زندہ باد‘ کی ہدایت کاری نبیل قریشی دے رہے ہیں جب کہ فضا علی مرزا اسے پروڈیوس کررہی ہیں یہ دونوں اس سے قبل ’لوڈ ویڈنگ‘ اور ’ایکٹر ان لا‘جیسی کامیاب فلمیں بناچکے ہیں-

سوشل میڈیا صارفین کا فہد مصطفیٰ کا چلبل پانڈے اور سمبا سے موازنہ کیوں؟

فہد مصطفیٰ نے اپنی نئی آنے والی فلم میں کرادر کی پہلی جھلک مداحوں کے ساتھ شئیر کر دی

فلم ‘قائداعظم زندہ باد’ کا پہلا ٹیزر سامنے آگیا،بڑے نام فہد مصطفیٰ ، ماہرہ خان ،بڑے بڑے…

ہم نے پاکستان میں فلم ’قائداعظم زندہ باد‘ کے ذریعے ہالی وڈ فلم ’مشن امپاسبل‘ کی طرح کا تجربہ کرنے کی کوشش کی فہد مصطفیٰ

 

جواب چھوڑیں

آپ کا ای میل ایڈریس شائع نہیں کیا جائے گا.