مانچسٹر:کرسٹیانو رونالڈو پر دو میچوں کی پابندی اور بھاری جرمانہ عائد،اطلاعات کے مطابق میچ کے بعد گراؤنڈ سے رخصت ہوتے وقت نوجوان کا موبائل فون توڑنے پر عالمی شہرت یافتہ اسٹار فٹ بالر کرسٹیانو رونالڈو بڑی مشکل میں پھنس گئے۔
غیر ملکی میڈیا کی رپورٹس کے مطابق اپریل میں مانچسٹر یونائیٹڈ کو ایورٹن کلب کے خلاف میچ میں شکست ہوئی تھی۔
شکست کے باعث غصے کی حالت میں کرسٹیانو رونالڈو گراؤنڈ سے واپس لوٹ رہے تھے کہ ایک نوجوان ان کی ویڈیو بنانے میں مصروف تھا۔رونالڈو نے میچ میں شکست کا غصہ نوجوان پر اتار دیا۔ فٹ بالر نے نوجوان کا ہاتھ جھٹک دیا جس سے اس کا مہنگا اسمارٹ فون موقع پر ہی ٹوٹ گیا۔
فٹبال اسوسی ایشن نے شکایت موصول ہونے پر اس پر انکوائری کی جو اب ختم ہوگئی۔ انکوائری پینل نے اسٹار فٹ بالر کو قصور وار ٹھہرا دیا۔
رونالڈو پر کلب کے دو میچوں کے لیے پابندی عائد کر دی گئی جبکہ ان پر 50 ہزار پاؤنڈ کا جرمانہ بھی کیا گیا ہے۔فٹبالر کو صرف جرمانے کی رقم ادا کرنا ہوگی کیوں کہ انہوں نے گزشتہ روز ہی مانچسٹر یونائیٹڈ کلب سے راہیں جدا کرلی ہیں۔
ادھر قطر میں ہونے والے فیفاورلڈ کپ 2022 میں اسپین نے کوسٹا ریِکا کو کو 0 کے مقابلےمیں 7گول سے شکست دے دی۔
الثماما اسٹیڈیم میں کھیلے گئے میگا ایونٹ کے 11 ویں میچ میں اسپین کوسٹا رِیکا کو 0 کے مقابلے میں 7 گول سے شکست دے دی۔
اسپین کی جانب سے ڈینی اولمو نے 11 ویں منٹ میں پہلا گول اسکور کرکے ٹیم کو برتری دلائی جس کو مارکو ایسنسیو نے 21 ویں منٹ میں دُگنا کردیا۔ فیرن ٹوریز نے 31 ویں منٹ میں تیسرا گول اسکور کرتے ہوئے اسپین کی پوزیشن مزید مستحکم کردی۔
سابق چیئرمین FBR شبر زیدی نے کہا ہے کہ پاکستان دیوالیہ ہو گیا ہے
دیوالیہ پن سے بچاؤ کے لئے فلپائن ایئر لائن امریکی عدالت پہنچ گئی
