سی ٹی ڈی کی کاروائی، کالعدم تنظیم کا انتہائی مطلوب دہشت گرد گرفتار

باغی ٹی وی کی رپورٹ کے مطابق شہر قائد کراچی میں سی ٹی ڈی نے بڑی کارروائی کی ہے،قانون نافذ کرنے والے اداروں کو انتہائی مطلوب دہشت گرد جان عالم گرفتار کر لیا گیا ہے

انچارج سی ٹی ڈی ٹو شاہد کریم کے مطابق جان عالم کا تعلق کالعدم تحریک طالبان پاکستان سے ہے، گرفتار دہشتگرد ڈی ایس پی بہاؤالدین بابر سمیت متعدد افسران و اہلکاروں کی شہادت میں ملوث ہے ،جان عالم نے انسپکٹر شفیق تنولی پر خودکش دھماکا کروانے کا اعتراف بھی کیا،

شاہد کریم کے مطابق مبینہ دہشت گرد نے افغانستان میں تربیت حاصل کی، ملزم پریشرککر بم، ٹینس بال بم اور موٹر سائیکل بم بنانے کا ماہر ہے ، ٹی ٹی پی سوات ملا فضل اللہ گروپ کے کمانڈر شیر بہادر کی ہلاکت کے بعد ملزم کو کمانڈر مقرر کیا گیا ،ملزم کے دیگر تین ساتھی بھی سی ٹی ڈی ریڈ بک میں شامل ہیں،

انچارج سی ٹی ڈی ٹو شاہد کریم کے مطابق ملزم نے 2013 میں امام بارگاہ عزاخانہ کوثر میں دو بم دھماکے کیے، مومن آباد تھانے پر دستی بم سے حملہ اور دھماکا کیا، 2013 میں عائشہ منزل کے قریب موٹر سائیکل بم دھماکا کیا، 2014 میں انسپکٹر شفیق تنولی پر پرانی سبزی منڈی میں خود کش حملہ کروایا، میٹروویل سائٹ میڈیکل اسٹور پریشر کوکر بم کے ذریعے دھماکا کیا، اے ای سی سی آئی ڈی پولیس پر فائرنگ کرکے اے ایس آئی خالد سعید کا اہلکار پہون خان اور گرفتار دہشتگرد گلف سلم کو زخمی کیا

سی ٹی ڈی کے مطابق ملزم نے 2014ءمیں مومن آباد پولیس موبائل پر فائرنگ کی،2014 میں ڈی ایس پی بہاؤالدین بابر پر منصوبہ بندی سے حملہ کرکے شہید کیا ، 2014 میں سائٹ اے میٹروویل میں دو پولیس اہلکاروں کو شہید کیا،سفاک دہشتگرد نے بیوی کے سگے چچا پولیس آفیسر پر جان لیوا حملہ کروایا، 2012 میں اے این پی کے کارکن امیر سردار کا قتل، پھر قبر پر پریشر ککر بم سے دھماکہ کیا،2013 میں اے این پی سندھ کے جنرل سیکرٹری بشیر جان پر بم دھماکا کیا،

انچارج سی ٹی ڈی آپریشن ٹو شاہد کریم کے مطابق گرفتار مبینہ دہشت گرد سے مزید تفتیش جاری ہے،