fbpx

خفیہ اطلاع پر سی ٹی ڈی کی کارروائی، تین دہشتگرد ہلاک

پشاور: خفیہ اطلاع پر سی ٹی ڈی کی کارروائی، تین دہشتگرد ہلاک ،اطلاعات کے مطابق کاؤنٹر ٹیرر ازم ڈیپارٹمنٹ (سی ٹی ڈی) نے پشاور میں کارروائی کرتے ہوئے تین دہشتگردوں کو ہلاک کر دیا۔

تفصیلات کے مطابق سی ٹی ڈی پشاور ریجن کو خفیہ اطلاع ملی کہ کالعدم دہشتگرد تنظیم داعش خراسان کے دہشت گرد بڑی کارروائی کے غرض سے علاقہ تھانہ شاہ پور میں موجود ہیں۔

مصدقہ اطلاع پر سی ٹی ڈی کے سپیشل چھاپہ مار ٹیم نے علاقہ شاہپور میں انٹیلی جنس بیسڈ آپریشن شروع کیا تو دہشت گردوں نے پولیس پارٹی پر فائرنگ شروع کر دی۔

اسی دوران پولیس پارٹی نے جوابی کاروائی کرتے ہوئے تین دہشتگردوں کو مار ڈالا، 3 دہشت گرد تاریکی کا فائدہ اٹھاتے ہوئے فرار ہو گئے۔ دہشت گردوں کی تلاش جاری ہے جبکہ پولیس اور سکیورٹی فورسز نے علاقے کو گھیرے میں لے کر سرچ آپریشن شروع کر دیا ہے

ادھر آج بلوچستان کے ضلع کیچ میں دہشتگردوں کی جانب سے سکیورٹی فورسز کی چیک پوسٹ پر فائرنگ کی گئی جس کے باعث پاک فوج کا ایک اور سپاہی شہید ہو گیا۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق بلوچستان کے ضلع کیچ میں فوجی چیک پوسٹ پر دہشت گردوں کی جانب سے فائرنگ کی گئی۔

آئی ایس پی آر کے مطابق سکیورٹی فورسز کی جانب سے فوری اور مؤثر جوابی کارروائی کی گئی، فائرنگ کے تبادلے میں پاک فوج کا سپاہی شہید ہو گیا، شہید ہونے والے سپاہی کا نام محمد قیصر ہے۔ سکیورٹی فورسز کی جانب سے علاقے میں کلیئرنس آپریشن جاری ہے۔

اس سے قبل پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق خیبرپختونخوا کے ضلع ہنگو کے علاقے ٹل میں فوجی چیک پوسٹ پر دہشت گردوں کی جانب سے فائرنگ کی گئی۔

آئی ایس پی آر کے مطابق سکیورٹی فورسز کی جانب سے فوری اور مؤثر جوابی کارروائی کی گئی، فائرنگ کے تبادلے میں پاک فوج کا سپاہی شہید ہو گیا، شہید ہونے والے سپاہی کا نام وقاص ہے اور اس کا تعلق مانسہرہ سے تھا۔ سکیورٹی فورسز کی جانب سے علاقے میں کلیئرنس آپریشن جاری ہے

Facebook Notice for EU! You need to login to view and post FB Comments!