fbpx

دال کئی بیماریوں اور بڑھتی عمر کے اثرات کی روک تھام میں بے حد مفید غذائی ماہرین

دالیں روز مرہ کے کھانوں میں مرکزی حیثیت رکھتی ہے جبکہ برصغیر پاک وہند میں تو اس کا استعمال بہت عام ہے اور ہفتے میں کئی بار اسے پکایا جاتا ہے۔

باغی ٹی وی : ماہرین کے مطابق اچھی صحت کی تین اہم بنیادوں میں ایسی خوراک شامل ہیں جس میں اول بھرپور غذائیت ہو، دوم اچھی معیار کی پروٹین اور فائبر موجود ہو اور یہ تینوں چیزیں دالوں میں بکثرت پائی جاتی ہیں۔

ان کا کہنا ہے کہ برصغیر میں پروٹین کی کمی ایک اہم مسئلہ ہے بالخصوص خواتین اسکا زیادہ شکار ہیں، اس مسئلے کا حل اپنی خوراک میں دالوں اور بیسن کو شامل کرکے کیا جاسکتا ہے۔

ماہرین نے کہا کہ دالوں میں بہت زیادہ فائبر ہوتا ہے جوکہ آنتوں کے لیے بہت مفید ہے اور کیونکہ یہ کولیسٹرول کو کم کرتا ہے تو اس طرح یہ قلب کے لیے فائدہ مند ہے۔

ماہرین کے مطابق دالوں میں گلائیسمک انڈیکس کم ہوتا ہے تو یہ خون میں شوگر کو کنٹرول میں رکھتا ہے، لہٰذا یہ شوگر کے مریضوں کے لیے بہترین غذا ہے۔

اس میں آئسو فلاوونس اور پائٹو اسٹرولز شامل ہوتا ہے جو کہ کینسر سے لڑنے میں کارگر اور اسکے امکانات کو کم کرتا ہے۔ اسکے علاوہ دالوں میں وٹامن بی فولیٹ ہونے کی وجہ سے یہ جسمانی خلیوں کی نشوونما اور بڑھتی عمر کے اثرات کی روک تھام میں بے حد مفید ہے۔

جواب چھوڑیں

آپ کا ای میل ایڈریس شائع نہیں کیا جائے گا.