دال ماش اور قیمہ بنانے کی ترکیب
اجزاء:
ماش کی دال آدھا کلو
قیمہ آدھا کلو
نمک حسب ذائقہ
ہلدی ایک چمچ
لال مرچ حسب ذائقہ
ادرک پیسٹ چائے کا ایک چمچ
لہسن پیسٹ چائے کا دو چمچ
پیاز 2 عدد
گرم پسا مصالحہ ایک چائے کا چمچ
ہری مرچ 4 عدد
ہرا دھنیا ایک گٹھی
گھی چار کھانے کے چمچ
ترکیب:
ماش کی دال دھو کے 20 منٹ پہلے بھگو دیں قیمہ اچھی طرح دھو کر چھلنی میں رکھ دیں تا کہ پانی نکل جائے اب ایک پتیلی میں گھی ڈال کر گرم کریں اس میں پیاز ڈال کر براؤن کریں اس میں قیمہ اور لہسن ڈال کر اچھی طرح بھونیں جب قیمہ سرخ ہو جائے تو اس میں نمک مرچ اور ہلدی ڈال کر تھوڑا پانی ڈال دیں پھر 10 منٹ تک بھونیں جب قیمہ گھی چھوڑ دے تو اس میں ڈال پانی نتھار کر ڈال دیں اور 5 منت تک اچھی طرح بھونیں پھر اس میں اتنا پانی ڈالیں کہ دال اور قیمہ گل جائے ڈھکن سے ڈھک دیں اور ہلکی آنچ پر پکنے دیں جب دال گل جائے اور پانی خشک ہو جائے تو اس میں ہرا دھنیا اور ہری مرچیں ڈال کر دم دے دیں 3 منٹ بعد دم سے اتار کر اس پر پسا گرم مصالحہ چھڑک دیں ذائقہ دار قیمہ اور دال ماش تیار ہے