لوٹ مار کے دوران پہچاننے پرڈکیتوں نے 18 سالہ طالب علم کو قتل کردیا

0
34
سفاک باپ نے 22 سالہ بیٹی کو گولیاں مار کر لاش سوٹ کیس میں بند کر کے سڑک کنارے پھینک دی

کراچی میں مسلح افراد نے لوٹ مار کے دوران پہچاننے پر 18 سالہ طالب علم کو قتل کردیا-

باغی ٹی وی :تفصیلات کے مطابق کراچی کے ضلع کورنگی میں اسٹریٹ کرائم اورڈکیتی کی وارداتوں میں اضافہ ہو گیا، لانڈھی چھتیس بی میں ڈکیتی کی واردات کے دوران نامعلوم مسلح ملزمان نے پہچاننے پر 18 سالہ طالب علم کو فائرنگ کرکے قتل کردیا-

مقتول نوجوان کی شناخت 18 سالہ عثمان ولد سلیم کے نام سے ہوئی جو لانڈھی نمبر4 زمانہ آباد کا رہائشی اورفضایہ کالج میں فرسٹ ایئرکاعالب علم تھا –

اسلحہ کی نمائش اور ہوائی فائرنگ میں تشویشناک حد تک اضافہ،پولیس ملزمان کو گرفتار کرنے میں ناکام

جناح اسپتال میں مقتول نوجوان کے دوست محمد حسنین نے بتایا کہ وہ صبح گھرسے کالج جانے کے لیے تیار ہو رہا تھا کہ اسی دوران اس نے فائرنگ کی آواز سنی اورجب گھر کا دروازہ کھولا تو عثمان بھاگتے ہوئے آرہا تھا اور گھر کے قریب آنے کے بعد عثمان زمین پر گر گیا، میں نے جب عثمان سے پوچھا کہ کیا ہوا توعثمان نے بتایا کہ ڈاکو شہری سے لوٹ مار کر رہے تھے اورعثمان کو پہچان گیا تھا جس پر انہوں نے گردن پر گولی ماری۔

مقتول کے اہلخانہ کا کہنا ہے کہ پولیس اوررینجرز 35 سال سے کیا کررہے ہیں، شہری روزانہ کی بنیاد پر لٹ رہے ہیں اور ادارے کیا کررہے ہیں؟ ہمیں ان ڈاکووں سے چھٹکارا دلایا جائے،عام شہری کب تک ڈاکوؤں کے ہاتھوں مرتے رہیں گے؟گھروں میں بھی لوٹ مار ہورہی ہے اورسڑکوں پر بھی، ہم جائیں تو کہاں جائیں۔؟

امریکامیں تمغہ بہادری پانےوالےپاکستانی نژادشخص کوکارچھیننےکی واردات میں مزاحمت پرراہزانوں نےقتل…

دوسری جانب کورنگی صنعتی ایریا تھانے کےعلاقے گودام چورنگی نیشنل ریفائنری روڈ پرسفید رنگ کی کرولا گاڑی میں سوارنامعلوم مسلح ملزمان نے نجی مڈیسن کمپنی کی کیش وین لوٹنے کی نیت سے روکنے کی کوشش کی اورکیش وین نہ رکنے پرکرولا گاڑی میں ڈاکوؤں نے کیش وین پرجدید اسلحے سے فائرنگ کردی۔

فائرنگ کے نتیجے میں کیش وین میں سوارنجی مڈیسن کمپنی کا ملازم جاں بحق اور2 سیکیورٹی گارڈ شدید زخمی ہوگئے جنہیں فوری طور جناح اسپتال منتقل کیا گیا جہاں جاں بحق ہونے نجی مڈیسن کمپنی کے ملازم کی شناخت 50 سالہ اشوک کے نام سے ہوئی۔زخمی سیکیورٹی گارڈزکی شناخت 55محبوب احمد ولد محمد شریف اور 50 سالہ وزیر ولد پیرمحمد کے نام سے کی گئی ۔

صحافی اطہر متین کا قاتل سخت سیکورٹی میں عدالت پیش

Leave a reply