ڈاکوؤں نے کورونا ویکسین کی درجنوں خوارکیں لوٹ لیں

ایران کے دارالحکومت تہران میں ڈاکوؤں نےخوراکیں لے کر جانے والی گاڑی پراچانک حملہ کر کے کورونا ویکسین کی درجنوں خوراکیں لے کر فرار ہو گئے-

باغی ٹی وی : غیر ملکی میڈیا کے مطابق تہران پولیس کے سربراہ حسین رحیمی کے مطابق ڈاکوؤں نے تہران کے جنوب میں وزارت صحت کے میڈکل اسٹور سے نکلنے والی گاڑی پر حملہ کیا اور 300 کے قریب کورونا ویکسینز لوٹ لیں۔

امریکی ویکسین فائزر کے مقابلے میں آسٹرازینیکا ویکسین بہترین قرار

ڈاکوؤں کی جانب سے لوٹی جانے والی کورونا ویکسین کی تفصیلات معلوم نہیں ہو سکیں تاہم ایران میں زیادہ تر چینی ساختہ سائنو فارم ویکسین کا استعمال کیا جا رہا ہے۔ ایران کچھ روسی ساختہ ویکسین، برطانوی ایسٹرازینیکا اور ایران میں تیار کردہ کورونا ویکسین کو بھی استعمال کر رہا ہے۔

جاپان میں موڈرنا ویکسین لگوانے والے 2 افراد ہلاک

واضح رہے کہ ایران اس وقت کورونا کی پانچویں لہر سے نبرد آزما ہے جبکہ ایران میں اب تک صرف 8 فیصد آباد کو ہی کورونا ویکسین لگائی گئی ہے جبکہ ایران میں اب تک کورونا کی وجہ سے ایک لاکھ 6 ہزار سے زائد اموات ہو چکی ہیں-