25 سال ملک کی خدمت کی، اب شہریت ثابت کرنا مشکل لگ رہا ہے، یہ کیسا ہے ہندوستان ؟ دلت رہنما چیخ اٹھے

0
59

نئی دہلی:25 سال ملک کی خدمت کی، اب شہریت ثابت کرنا مشکل لگ رہا ہے، یہ کیسا ہے ہندوستان ؟ دلت رہنما چیخ اٹھے،اطلاعات کےمطابق سابق آئی پی ایس آفیسر ایس آر داراپوری کا کہناہے کہ میں نے پچیس سالوں تک آئی پی ایس کے طور پر بھارت کی خدمت انجام دی ہے لیکن مجھے خدشہ ہے کہ اگر این آر سی اور این پی آر کی کاروائی ہوگی تو میں بھی اپنی شہریت ثابت نہیں کرپاﺅں گا ۔

پریس کلب آف انڈیا میں ایک پریس کانفرنس کے دوران دارا پوری نے کہاکہ میں پنجاب کا رہنے والاہوں ۔ اترپردیش میں رہائش اختیار کرچکاہوں ۔ مجھے خدشہ ہے کہ اگر این آرسی اور این پی آر کی کاروائی ہوگی تو میں اپنی شہریت ثابت نہیں کرپاﺅں گا کیوں کہ میرے پاس ایسا کوئی ثبوت اور کا غذ نہیں ہے ۔جب ایک آئی پی ایس سطح کا آدمی اتنا خوف محسوس کررہاہے تو اندازہ لگایاجاسکتاہے کہ دلت اور آدی واسیوں کا کیا ہوگا جن کے پاس زمین نہیں ہے ۔ کاغذ نہیں ہے ۔

یاد رہےکہ اس وقت ہندوستان میں اس قانون کے نافذ ہونے کے بعد وہاں کی اقلیتوں کےلیے بہت سے مسائل پیدا ہوگئے ہیں حتی کہ کہ بھی سنا جارہا ہےکہ بھارتی حکومت اور انتہا پسند ہندومسلمانوں سے کہہ رہےہیں کہ وہ پاکتان چلے جائیں ان کا ہندوستان میں کچھ نہیں ہے

Leave a reply