fbpx

دانیہ نےعامرلیاقت کی قبرکشائی اورپوسٹ مارٹم کےلیےسپریم کورٹ سے رجوع کرلیا

عامر لیاقت کے بچے اور سابقہ بیویاں جائیداد و مال پر غیر قانونی قابض ہو چکے ہیں۔ دانیہ

کراچی: دانیہ نے عامرلیاقت کی قبرکشائی اورپوسٹ مارٹم کےلیے سپریم کورٹ سے رجوع کرلیا،اطلاعات کے مطابق مرحوم اینکر پرسن اور سیاستدان عامر لیاقت حسین کی قبر کشائی اور پوسٹ مارٹم کے لئے ان کی بیوہ نے سپریم کورٹ سے رجوع کرلیا ہے۔

اینکر پرسن اور سیاستدان عامر لیاقت حسین کی بیوہ دانیہ بی بی نے مرحوم کی قبر کشائی اور پوسٹ مارٹم کے لئے سندھ ہائی کورٹ کے فیصلے کے خلاف سپریم کورٹ میں درخواست دائر کردی ہے۔

درخواست میں ایڈیشنل سیشن جج،مجسٹریٹ اور سیکرٹری ہیلتھ سندھ سمیت دیگر کو فریق بنایا گیا ہے۔

دانیہ بی بی کی جانب سے دائر درخواست میں موقف اختیار کیا گیا ہے کہ عامر لیاقت کی بیوی ہونے کے ناطے ان کی وفات کے بعد وارث ہوں، عامر لیاقت حسین کی موت کی وجہ جاننا ضروری ہے۔

عامر لیاقت کی بیوہ کا موقف ہے کہ عامر لیاقت کی سابق بیویاں قبر کشائی اور پوسٹ مارٹم نہیں کرانا چاہتیں، عامر لیاقت کے بچے اور سابقہ بیویاں جائیداد و مال پر غیر قانونی قابض ہو چکے ہیں۔

درخواست میں مزید کہا گیا ہے کہ سندھ ہائی کورٹ نے ثبوتوں اور حقائق کا درست جائزہ نہیں لیا، سندھ ہائی کورٹ کا فیصلہ قانون کی نظر میں برقرار نہیں رکھا جاسکتا، سندھ ہائی کورٹ کا 12 ستمبر کا فیصلہ کالعدم قرار دیا جائے، جوڈیشل مجسٹریٹ کا فیصلہ بحال کرتے ہوئے پوسٹ مارٹم کرنے کا حکم دیا جائے۔

یاد رہے کہ اس سے پہلے عامر لیاقت حسین کی بیوہ دانیہ شاہ نے بھی اپنے مرحوم شوہر کے پوسٹ مارٹم کی درخواست سندھ ہائی کورٹ میں دائر کی تھی،سندھ ہائی کورٹ میں عامر لیاقت حسین کے پوسٹ مارٹم سے متعلق کیس کی سماعت ہوئی۔ سماعت میں بیوہ دانیہ شاہ والدہ کے ہمراہ سندھ ہائی کورٹ میں پیش ہوئیں۔

سماعت کے آغاز میں دانیہ شاہ کے وکیل نے عدالت کو بتایاتھا کہ دانیہ شاہ پوسٹ مارٹم کیس میں فریق بن گئی ہیں۔ عدالت کے روبرو دانیہ شاہ کے وکیل نے کہا کہ عامر لیاقت کی موت کی وجوہات سامنے آنا بہت ضروری ہیں۔

دوران سماعت سرکاری وکیل کا کہنا تھا کہ پولیس نے عامر لیاقت کی موت کی اصل وجہ نہیں لکھی۔عدالت نے ریمارکس دیئے کہ پوسٹ مارٹم فیملی کے جذبات کا معاملہ نہیں بلکہ قانونی ضرورت ہے۔

ور مقدم قتل کیس،فیصلہ آ گیا،مرکزی ملزم سفاک ظاہر جعفر کو سزائے موت کا حکم

نور مقدم کیس زندہ رکھنے پر مبشر لقمان کا شکریہ، جویریہ صدیق

آج ہمیں انصاف مل گیا،نور مقدم کے والد کی فیصلے کے بعد گفتگو