ڈاکٹرعامرلیاقت مرحوم کی تیسری ایلیہ دانیہ شاہ گرفتار

لودھراں:ڈاکٹرعامرلیاقت مرحوم کی تیسری ایلیہ دانیہ شاہ گرفتارلودھرا ں سے پولیس ذرائع کے مطابق سابق ایم این اے اور معروف اینکر مرحوم ڈاکٹرعامر لیاقت حسین مرحوم کی تیسری اہلیہ دانیہ شاہ (دانیہ ملک) کو گرفتار کرلیا گیا۔ انہیں وفاقی تحقیقاتی ایجنسی (ایف آئی اے) کے سائبر کرائم ونگ نے گرفتار کیا ہے۔ دانیہ پر الزام ہے کہ انہوں نے اپنے مرحوم شوہر کی نازیبا ویڈیوز لیک کی تھیں۔

ذرائع کے مطابق ایف آئی اے کی ٹیم نے پولیس کی بھاری نفری کے ہمراہ لودھراں کے نواحی گاؤں ڈانوراں میں دانیہ شاہ کے گھر چھاپہ مارا اور انہیں گرفتار کرلیا۔

خیال رہے کہ عامر لیاقت حسین رواں برس 9 جون کو انتقال کرگئے تھے۔ انہوں نے جنوری میں دانیہ ملک سے تیسری شادی کی تھی تاہم جلد ہی دونوں میں علیحدگی ہوگئی تھی۔ دانیہ شاہ نے بہاولپور کی عدالت میں خلع کی درخواست دائر کر رکھی تھی کہ اسی دوران عامر لیاقت کی بیڈ روم کی کچھ نازیبا ویڈیوز سوشل میڈیا پر وائرل ہوئیں جن کے حوالے سے عامر لیاقت انتہائی صدمے کی کیفیت میں تھے، انہوں نے ان ویڈیوز پر روتے ہوئے ویڈیو بیان بھی جاری کیا تھا۔

یاد رہے کہ جولائی کے مہینے میں دانیہ شاہ کے خلاف ایک کیس کی سماعت بھی ہوئی تھی ،جس میں‌ کراچی کی سٹی کورٹ دانیہ شاہ کو طلب کیا تھا ، جس میں ایف آئی اے نے پیش رفت رپورٹ عدالت میں جمع کرادی۔ رپورٹ میں کہا گیا تھا کہ دانیہ شاہ کو طلبی کا خط ارسال کر دیا ہے اور عامر لیاقت کے اہل خانہ کو بھی مقدمے کی تفتیش کے لئے بیان ریکارڈ کرانے کے لیے کہا گیا تھا۔

عدالت کو رپورٹ میں مزید بتایا گیا کہ ایف آئی اے دفعہ 154 کے تحت دانیہ شاہ کا بیان لینا چاہتی تھی ۔ اس کے علاوہ خط میں عامر لیاقت کی بیوہ سے مذکورہ ویڈیو لانے کا کہا گیا تھا ۔ دانیہ شاہ کا بیان ریکارڈ ہونے پر عدالت کو آگاہ کیا جائے گا۔جس پر عدالت نے آئندہ سماعت پر ایف آئی اے سے پیش رفت رپورٹ طلب کرتے ہوئے سماعت ملتوی کردی تھی ۔