سیاہ فاموں، فلسطینیوں اور مقبوضہ کشمیر پر ڈھائے جانے والےدرد ناک مظالم دیکھتی ہوں تو میرا دل روتا ہے نیلم منیر

پاکستانی شوبز انڈسٹری کی معروف اداکارہ نیلم منیر نے سیاہ فاموں ، فلسطینیوں اور کشمیریوں پر ڈھائے جانے والے مظالم کی بھر پور مذمت کرتے ہوئے درد ناک قرار دیا اور کہا کہ جب میں یہ دیکھتی ہوں تو میرا دل روتا ہے-

باغی ٹی وی :پاکستانی شوبز انڈسٹری کی معروف اداکارہ نیلم منیر نے سیاہ فاموں ، فلسطینیوں اور کشمیریوں پر ڈھائے جانے والے مظالم کی بھر پور مذمت کرتے ہوئے درد ناک قرار دیا اور کہا کہ جب میں یہ دیکھتی ہوں تو میرا دل روتا ہے- سماجی رابطے کی ویب سائٹ انسٹا گرام پر نیلم منیر نے دنیا کے موجودہ حالات کے مدنظر ایک پیغام جاری کیا-
https://www.instagram.com/p/CA8ZJ9wFpCa/?igshid=ym0rx4mul859
اداکارہ نے لکھا کہ جی ہاں سیاہ فام لوگوں کی زندگیاں اہمیت رکھتی ہیں۔

نیلم منیر نے لکھا کہ ہم مسلمانوں کیلئے ہر انسان کی زندگی اہمیت رکھتی ہے کیونکہ ہمارا قرآن پاک بھی ہمیں مساوات کا درس دیتا ہے اور یہ کہ ایک انسان کے نیک عمل اور اچھا اخلاق ہی دوسرے لوگوں کی نظروں میں اُس کا رتبہ بڑھاتا ہے۔

اداکارہ نے لکھا کہ کہا کہ سیاہ فاموں، فلسطینیوں اور مقبوضہ کشمیر کے عوام پر ڈھائے جانے والے مظالم درد ناک ہیں جب میں یہ دیکھتی ہوں تو میرا دل روتا ہے۔

نیلم نے کہا کہ ترقی یافتہ ممالک با آسانی پوری دُنیا کے سامنے بے شرمی سے انسانیت پر ظلم کر رہے ہیں-

نیلم منیر نے کہا کہ مجھے اُمید ہے کہ انشاءاللہ ایک دن یہ ظلم ختم ہوگا، اللہ ہم سب کی حفاظت کرے آمین۔

نسل پرستی انسان کی ایجاد کی جانے والی سب سے مکروہ چیز ہے حمزہ علی عباسی

پاکستانی فنکار بھی امریکی سیاہ فاموں کی حمایت میں بول پڑے

Leave a reply