ن لیگ کے رہنما دانیال چوہدری کا کہنا ہے کہ 9 مئی والوں کو عوام نے مسترد کردیا، پی ٹی آئی جلسے میں نفرت اور تقسیم کی بات کی گئی۔
اسلام آباد میں پارلیمانی سیکریٹری اطلاعات بیرسٹر دانیال چوہدری اور بیرسٹر عقیل نے پریس کانفرنس کی۔بیرسٹر دانیال چوہدری نے کہا کہ ہم نے ملک کو دیوالیہ ہونے سے بچایا، ملک کی معیشت درست سمت میں جارہی ہے، حکومتی اداروں پر عوام کے اعتماد میں اضافہ ہوا ہے۔ان کا کہنا ہے کہ 9 مئی والوں کو عوام نے مسترد کیا، 9 مئی والے نفرت کی سیاست کرتے ہیں، پی ٹی آئی نے جلسے میں نفرت اور تقسیم کی بات کی، عوام نے گالی گلوچ کی سیاست کے ساتھ کھڑنے ہونے سے انکار کردیا۔افواج پاکستان کو نشانہ بنانے والے درحقیقت دشمن فوج کو موقع دے رہے ہیں،جب حکومت میں آئے تو لوگ کہتےتھےپاکستان دیوالیہ ہونے والا ہے،وہاں سےنکل کرہم بہترمعیشت اوربہتر گورننس کی طرف آئے، اسلئے آئی ایم کی رپورٹ میں کہاگیا کہ اگرحکومت اسی طرح کام کرتی رہےتو ہماری گروتھ5 سے 6 فیصد تک جا سکتی ہے جو دنیا کی تیز ترین گروتھ ہے،بیرسٹر عقیل ملک نے کہا کہ سوشل میڈیا کے ذریعے زہر آلود مواد پھیلایا جارہا ہے، پی ٹی آئی بطور اپوزیشن اپنا کردار ادا کرے، سوشل میڈیا اکاؤنٹس کہاں سے آپریٹ ہورہے ہیں پی ٹی آئی کو بھی نہیں پتہ۔
