ورلڈ ہیڈر ایڈ

درانی ویلفیئر فاوَنڈیشن کے زیر کفالت یتیم بچوں کا گلگت پریس کلب کا دورہ

درانی ویلفیئر فاوَنڈیشن کے زیر کفالت یتیم بچوں کا گلگت پریس کلب کا دورہ

گلگت ۔ 22جولائی (اے پی پی) درانی ویلفیئر فاوَنڈیشن کے زیر کفالت یتیم بچوں نے گلگت پریس کلب کا دورہ کیا ۔ دورے کے دوران انہوں نے کلب کے صدر اور سینئر صحافیوں سے ملاقات کی ۔ اس موقع پر پریس کلب میں بچوں کیلئے خصوصی تقریب کا انعقاد کیا گیا ۔ تقریب سے خطاب کرتے ہوئے فاونڈیشن کے چیئرمین عبدالوحید نے کہا کہ ادارہ 23 یتیم اور بے سہارا بچوں کی کفالت کر رہا ہے ۔ بچوں کے کھانے پینے، رہائش اور تعلیم کے بندوبست کے ساتھ ساتھ پدرانہ شفقت دینے کی کوشش کررہے ہیں ۔ انہوں نے کہا کہ کچھ مخیر حضرات ہمارے دست وبازو بنے ہوئے ہیں لیکن اس کے باوجود ہ میں مشکلات درپیش ہیں ۔ انہوں نے مخیر حضرات سے اپیل کی کہ وہ ان بچوں کی بہتر تعلیم و تربیت میں ہمارا ساتھ دیں ۔ صدر پریس کلب خورشید احمد نے کہا کہ ہمارا تعاون یتیموں کی کفالت میں جاری رہے گا،ہم نہ صرف میڈیا کے ذریعے ان بچوں کی آواز بنیں گے بلکہ اپنی حیثیت کے مطابق ان کی مالی مدد بھی کریں گے ۔ سابق صدر پریس کلب اقبال محمد عاصی نے کہا کہ دین اسلام ہ میں یتیم بچوں کی کفالت کا درس دیتا ہے ، ہ میں چاہئے کہ ہم ایسے بچوں کیلئے اپنا تعاون بڑھائیں ۔ انہوں نے صحافیوں کی طرف سے جمع کی گئی نقد امدادی رقم بھی چیئرمین کے حوالے کی ۔ تقریب میں صحافیوں کی بڑی تعداد نے شرکت کی ۔

جواب چھوڑیں

آپ کا ای میل ایڈریس شائع نہیں کیا جائے گا.