ڈی سی شیخوپورہ کا دورہ ویکسینیشن سنٹر

0
73

ڈپٹی کمشنر شیخوپورہ محمد اصغر جوئیہ نے شیخوپورہ میں قائم کورونا ویکسینیشن سنٹرز کا دورہ کیا۔ ڈپٹی کمشنر نے کورونا ویکسینیشن سنٹرز میں مریضوں کو فراہم کی جانے والی سہولیات کا جائزہ لیا۔ ڈپٹی کمشنر نے سی ای او ہیلتھ کو ہدایت کی کہ کورونا ویکسینیشن سنٹر میں عوام کو بہتر طبی سہولیات کی فراہمی میں کوئی غفلت نہ برتی جائے۔

انہوں نے اسسٹنٹ کمشنر شیخوپورہ کو ہدایت کی کہ کورونا ویکسینیشن سنٹرز کا باقاعدگی کے ساتھ دورہ کریں اور عوام کے لیے بہتر طبی سہولتوں کی فراہمی کو ہر صورت یقینی بنا یا جائے۔ ڈپٹی کمشنر نے عوام سے اپیل کی کہ ماسک کے استعمال کو یقینی بنایا جائے اور کرونا ایس او پیز پر عمل در آمد کیا جائے۔

ڈپٹی کمشنر نے کہا کہ ویکسینیشن کورونا سے بچاﺅ کا اہم ذریعہ ہے لیکن ویکسینیشن ماسک کے استعمال سماجی فاصلے اور ایس او پیز پر عمل درآمد کا متبادل نہیں ہو سکتی۔ ڈپٹی کمشنر نے کورونا ویکسینیشن سنٹر میں بزرگ شہریوں سے سنٹر میں ملنے والی سہولیات کے بارے میں بھی دریافت کیا جس پر ویکسینیشن سنٹر میں آنے والے شہریوں نے ڈپٹی کمشنر محمد اصغر جوئیہ کی کارکردگی کی تعریف کرتے ہوئے کہا کہ ڈپٹی کمشنر محمد اصغر جوئیہ کی کام سے لگن اور عوام کی خدمت کے جذبے کی وجہ سے کورونا ویکسینیشن سنٹر میں تمام تر سہولیات میسر ہیں ۔

Leave a reply