دسمبر 2024 کیلئے پلیئر آف دی منتھ کی نامزدگیوں کا اعلان

دبئی: آئی سی سی نے دسمبر 2024 کیلئے پلیئر آف دی منتھ کی نامزدگیوں کا اعلان کردیا۔

باغی ٹی وی: انٹرنیشنل کرکٹ کونسل نے دسمبر کے بہترین کھلاڑیوں کے لیے مردوں اور خواتین کی کیٹیگریز میں تین، تین ناموں کا اعلان کیا جس میں کوئی بھی پاکستانی کرکٹر شامل نہیں نامزد کھلاڑیوں میں بھارتی فاسٹ بولر جسپریت بمراہ، آسٹریلوی کپتان پیٹ کمنز اور جنوبی افریقا کے ڈین پیٹرسن شامل ہیں۔

جسپریت بمراہ نے دسمبر میں آسٹریلیا کیخلاف تین ٹیسٹ میچز میں 22 وکٹیں حاصل کیں جبکہ آسٹریلوی کپتان پیٹ کمنز کو بھارت کیخلاف 144 رنز بنانے اور 17 وکٹیں لینے پر نامزد کیا گیا ہے جنوبی افریقا کے ڈین پیٹرسن سری لنکا کیخلاف شاندار بولنگ پرفارمنس پرپہلی بار پلیئر آف دی منتھ کیلئے نامزد ہوئے ہیں۔

خواتین کی کیٹیگری میں بھارت کی سمرتی مندھانا، جنوبی افریقا کی نونکولولیکو ملابا اور آسٹریلیا کی اینابیل سوتھرلینڈ کو پلیئر آف دی منتھ کیلئے نامزد کیا گیا ہے۔

قبل ازیں نٹرنیشنل کرکٹ کونسل نے مینز ٹیسٹ پلیئر آف دی ایئر اور ویمن پلیئر آف دی ایئر کیلئے نامزدگیوں کا اعلان کیا آئی سی سی کی طرف سےنامزد کئے جانے والوں میں انگلینڈ کے جو روٹ کےساتھ بھارتی باؤلر جسپریت بمرا شامل ہیں دوسری طرف سری لنکا کے کمندو مینڈس اور انگلینڈ کےہیری بروک بھی اس لسٹ میں شامل ہیں آئی سی سی ویمن پلیئر آف دی ایئر کی نامزدگیوں میں جنوبی افریقہ کی لارا مولوارٹ، آسٹریلیا کی انابیل سدر لینڈ ، نیوزی لینڈ کی میلیکر اور سری لنکا کی چماری اتاپاتو شامل ہیں۔