fbpx

8مئی سے16مئی تک ٹرانسپورٹ بند کرنےکافیصلہ :پردیسی آبائی علاقوں کوچلےجائیں:حالات بگڑگئے

اسلام آباد:8مئی سے16مئی تک ٹرانسپورٹ بند کرنےکافیصلہ:پردیسی آبائی علاقوں کوچلےجائیں:حالات بگڑگئے ،اطلاعات کے مطابق پاکستان میں پہلی بار کرونا وائرس سے یومیہ اموات کی تعداد 200 سے تجاوز کر گئی، گزشتہ 24 گھنٹے میں مزید 5 ہزار سے زائد نئے کیسز رپورٹ ہوئے جبکہ مثبت کیسز کی شرح 10.77 فیصد ہوگئی۔

تفصیلات کے مطابق پاکستان میں کرونا وائرس کے آغاز کے ساتھ پہلی بار کووڈ سے متاثرہ مریضوں کی اموات کی تعداد 200 سے تجاوز کر گئی، 24 گھنٹے کے دوران ملک میں کرونا وائرس کے مزید 201 مریض جاں بحق ہوگئے۔

نیشنل کمانڈ اینڈ آپریشن سینٹر کا کہنا ہے کہ ملک میں کووڈ 19 سے مرنے والوں کی مجموعی تعداد 17 ہزار 530 ہوگئی۔

این سی او سی کے مطابق گزشتہ 24 گھنٹوں کے دوران کرونا وائرس کے 5 ہزار 292 نئے کیسز سامنے آئے۔ ملک میں مجموعی کرونا کیسز کی تعداد 8 لاکھ 10 ہزار 231 ہوچکی ہے جبکہ کرونا وائرس کے فعال کیسز کی تعداد 88 ہزار 207 ہوگئی۔

نیشنل کمانڈ سینٹر کا کہنا ہے کہ کرونا وائرس سے صحت یاب مریضوں کی مجموعی تعداد 7 لاکھ 4 ہزار 494 ہوگئی ہے۔

این سی او سی کے مطابق گزشتہ 24 گھنٹوں کے دوران کرونا وائرس کے 49 ہزار 101 ٹیسٹ کیے گئے، اب تک ملک میں 1 کروڑ 16 لاکھ 82 ہزار 14 کووڈ 19 ٹیسٹ ہوچکے ہیں۔

گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 10.77 فیصد ہوگئی، این سی او سی کا کہنا ہے کہ ملک بھر کے 631 اسپتالوں میں کرونا وائرس کے 5 ہزار 214 کیسز تشویشناک حالت میں ہیں جبکہ 664 مریض وینٹی لیٹر پر ہیں۔

انہیں حالات کے پیش نظر ملک بھر میں 8 مئی سے 16 مئی تک ٹرانسپورٹ بند کرنے کا فیصلہ کیا گیا ہےا ورکہا گیا ہےکہ پردیسی 7 مئی تک اپنے آبائی علاقوں کو چلے جائیں،

یہ بھی پیغام دیا جارہا ہےکہ گھر سے دور رہنے والے دوست احباب کو آگاہ کر دیں

یہ بھی معلوم ہوا ہےکہ ان حالات کےتناظرمیں پنجاب بھرمیں پولیس خدمت مراکزاورڈرائیونگ سکول بند کردیئے گئے، ڈی آئی جی ٹریفک نے نوٹیفکیشن جاری کردیا۔

جواب چھوڑیں

آپ کا ای میل ایڈریس شائع نہیں کیا جائے گا.