دیپیکا پڈوکون کے دوبارہ پھر منشیات معاملے میں این سی بی کے ریڈار پر آنے کے امکان

0
23

بالی وڈ سُپر اسٹار اداکارہ دیپیکا پڈوکون شوبز انڈسٹری میں منشیات کے معاملے میں دوبارہ نارکوٹکس کنٹرول بیورو (این سی بی) کے ریڈار پر آ سکتی ہیں-

باغی ٹی وی : بھارتی میڈیا رپورٹ کے مطابق بھارت کے نارکوٹکس کنٹرول بیورو (این سی بی) نے دیپیکا پڈوکون کی مینیجر کرشمہ پرکاش کے گھر پر چھاپہ مارا اس دوران کرشمہ پرکاش کے گھر سے منشیات برآمد ہوئی جسے ڈگرز کنٹرولنگ کے ادارے نے قبضے میں لے لیا۔

اس چھاپے کے بعد این سی بی نے دوباہ کرشمہ پرکاش کو طلب کرلیا ہے کرشمہ پرکاش کے گھر پر چھاپہ مارنے کے بعد جب این سی بی نے ان سے تفتیش میں تعاون کی درخواست کی تو اس کے بعد سے انہوں نے ادارے سے کوئی رابطہ نہیں کیا۔

خیال رہے کہ 14 جون کو خودکشی کرنے والے بالی وڈ کے آنجہانی اداکار سوشانت سنگھ راجپوت کی موت کی تحقیقات کے دوران تفتیش کی کڑیاں بالی وڈ میں ڈرگز کے استعمال تک جا پہنچی تھیں۔

اسی سلسلے میں سوشانت سنگھ راجپوت کی سابقہ گرل فرینڈ ریا چکرورتی کو گرفتار کیا گیا تو انھوں نے ڈرگز کے معاملے میں سارہ علی خان، دیپیکا پڈوکون اور ان کی مینیجر کرشمہ پرکاش سے متعلق بھی انکشافات کیے تھے اس حوالے سے دیپیکا کی بھی واٹس ایپ چیٹ منظر عام پر آئی تھی جس کا انہوں اعتراف بھی کیا تھا۔

تاہم اب دوبارہ دیپیکا کی مینیجر کے گھر سے منشیات ملنے کے بعد امکان کیا جارہا ہے کہ ڈرگز کے معاملے اداکارہ کو بھی طلب کیا جاسکتا ہے-

دیپیکا پڈوکون اور جیکولین فرنینڈس سمیت 11 افراد سرکاری کارڈ پر پیسے بٹورنے لگے

بھارتی اداکار متھن چکرورتی کے بیٹے اور اہلیہ کے خلاف عدالت کے حکم پر ایف آر درج

Leave a reply