fbpx

دلی کے ساتھ مذاکرات کا راستہ سری نگر سے جاتا ہے،شاہ محمود

وزیر خارجہ مخدوم شاہ محمود قریشی نے اہم بیان دے دیا ہے.

شاہ محمود قریشی نے کہا ہے کہ دلی کے ساتھ مذاکرات کا راستہ سری نگر سے جاتا ہے، اگر بھارت کا رویہ یہی رہتا ہے جو کشمیرپرہے تومذاکرات کیسے ہوسکتے ہیں، پاکستان، افغانستان میں قیام امن کیلئے بھرپورکردارادا کررہا ہے، پاکستان عنقریب افغان قیادت کے اہم لوگوں کواسلام آباد آنے کی دعوت دے رہا ہے، تاکہ ہم مل بیٹھ کرافغان امن عمل کو آگے بڑھا سکیں، پاکستان کا کردارمصالحانہ نوعیت کا ہے، افغانستان میں قیام امن کیلئے بنیادی ذمہ داری افغانوں کی ہے، وزیراعظم عمران خان کی افغان صدراشرف غنی کے ساتھ ملاقات کل متوقع ہے .

ازبکستان کے صدر نے connectivity کانفرنس میں وزیراعظم عمران خان اورافغان صدراشرف غنی کو مدعوکیا ہے، ازبکستان کے ساتھ تین اہم نوعیت کے معاہدے ہونے جا رہے ہیں، ہمیں ایک لیگل فریم ورک میسرآجائے گا اوروہ سہولتیں جو پہلے میسرنہیں تھیں وہ دستیاب ہوں گی، ان معاہدوں سے پاکستان اورازبکستان کے مابین تجارتی واقتصادی تعاون مزید مستحکم اوروسعت پذیرہو گا.