یکم نومبر سے 31 دسمبر اہم،دہشت گردی کے خدشے کا اظہار کیوں کیا تھا؟ شیخ رشید نے بتا دیا

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے کہا ہے کہ یکم نومبر سے 31 دسمبر اہم ہے

لاہور میں ہفتہ وار اجلاس کے بعد میڈیا سے گفتگو کرتے ہوئے شیخ رشید احمد کا کہنا تھا کہ ہم نے ملک کو آگے لیکر جانا ہوگا،سیاست سے لڑائی آپ کا حق لیکن ریاست سے لڑائی ذیادتی ہے،خلفشار اور انتشار سے سیاسی قوتیں پچھتا ئیں گی،ایازصادق کے بیان پر بھارت میں شادیانے بجائے جارہے ہیں، نیکٹا نے بیان دیا تو اس کی سپورٹ میں نے بیان دیا ،

شٰیخ رشید احمد کا مزید کہنا تھا کہ ن لیگ کی طرف سے جو کچھ بھی کہا جارہاہے وہ غیر ملکی ایجنڈا ہے،عمران خان کہیں نہیں جارہے ادھر ہی رہیں گے اگرسیاست سے لڑائی کرنی ہے تو عمران خان میدا ن میں ہیں،عقل کے اندھوں کو اندازہ نہیں سیاست خطرناک مرحلے میں داخل ہوچکا ہے،عمران خان تمام بحرانوں سے سرخرو ہوکر نکل جائیں گے اگر پیپلزپارٹی اور ن لیگ مل سکتی ہیں تو ہم بھی ن لیگ سے بات کرسکتے ہیں،

شیخ رشید احمد کا مزید کہنا تھا کہ ڈی جی آئی ایس پی آر نے کہا ایازصادق کے بیان سے فوج میں غم و غصہ پایا جاتاہے،مولانا فضل الرحمان کے پاس دینی مدارس کی طاقت موجود ہے ،حالات جس جانب جارہے ہیں وہ خوش آئند نہیں،صدرارتی نظام نہیں آئے گا نہ ہی مارشل لا ہوگا لیکن حالات خطرناک سمت جارہے ہیں،پاکستان کا جوان اور جرنیل دونوں عظیم تر ہیں ،سیاست میں مذاکرات کے دروارے کبھی بند نہیں کرنے چاہیئں ،ڈائیلاگ اورمذاکرات سیاسی جماعتوں میں ہوتے ہیں،3ماہ میں ملکی سیاست واضح ہوجائے گی

شیخ رشید احمد کا مزید کہنا تھا کہ ساری ن لیگ نہیں بول رہی ،کچھ لوگ بول رہے ہیں ،سب گواہ ہیں ایاز صادق 23سال میں پہلی بار بولے ہیں،سب کچھ نوازشریف کے اشارے پر ہورہاہے، سیاست دانوں کو عقل کے ناخن لینے چاہیئں،پیپلزپارٹی بیانات میں احتیاط سے کام لے رہی ہے،