ڈی آئی خان دہشت گردی واقعات میں شہدا کی تعداد 7 ہوگئی

ڈیرہ اسماعیل خان میں دہشت گردی کے دو واقعات میں شہدا کی تعداد 7 زخمیوں کی تعداد 15 ہو گئی.
ذرائع کے مطابق اتوار کی صبح ڈی آئی خان کے علاقے درابن روڈ کوٹلہ سیدان چیک پوسٹ پر دہشت گردوں نے فائرنگ کی جس سے دو پولیس اہلکار شہید ہو گئے، ریسکیو 1122 کی میڈیکل ٹیم نے نعشوں اور زخمیوں کو اسپتال منتقل کر دیا ہے۔
شھید ہونے والوں میں کانسٹیبل جھانگیر کا تعلق اعجاز آباد مریالی جب کہ دوسرے کا انعام کورائی سے ہے۔
اسی دوران دہشت گردی کا دوسرا واقعہ ڈسٹرکٹ ہیڈ کوارٹر اسپتال کے گیٹ پر پیش آیا جب مبینہ طور پر ایک خاتون خود کش بمبار نے خود کو دھماکے سے اڑا دیا۔
دھماکے کے باعث تین افراد شہید جبکہ بچوں سمیت سات افراد زخمی ہو گئے ہیں، سکیورٹی فورسز نے علاقے کی ناکہ بندی کرکے دہشتگردوں کیخلاف سرچ آپریشن شروع کردیا۔