کراچی میں ڈیلٹاویرینٹ کی شرح 100 فیصد ہوگئی ہے ڈاکٹراقبال چوہدری
جامعہ کراچی کے نیشنل انسٹیٹیوٹ آف وائرولوجی کے ڈاکٹراقبال چوہدری کا کہنا ہے کہ ڈیلٹاویرینٹ کی شرح 100 فیصد ہوگئی ہے۔
باغی ٹی وی : ڈاکٹر اقبال چوہدری نے بتایا کہ کراچی میں وائلڈ ٹائپ کے کورونا وائرس کا مکمل خاتمہ ہوگیا ہے تاہم ڈیلٹاویرئنٹ کی شرح 100 فیصد ہوگئی ہے-
انہوں نے کہا کہ گزشتہ روز 80 کی جینو ٹائپنگ کی گئی، تمام کیس ڈیلٹا وئیرئنٹ کے نکلے ہیں انٹرنیشنل سینٹر فور کیمیکل اینڈ بائیولوجیکل سائنسز کی لیب میں کوروناکی شرح 19-20 فیصد کے درمیان ہے۔
وزیر اعلیٰ سندھ کے مطابق شہر قائد میں کورونا وائرس کے پھیلنے کی شرح 16اعشاریہ 46 فیصد ہوگئی ہے، شہر میں گزشتہ روز 8464ٹیسٹ کیے گئے، جبکہ گزشتہ روز 1393 کورونا کے پازیٹو کیس سامنے آئے ہیں کراچی شرقی میں 487، کراچی جنوبی میں 279، کورنگی میں 192، کراچی وسطی میں 177، ملیر میں 155، حیدرآباد میں 81، کراچی غربی میں 76 کیسز سامنے آئے۔