جو بائیڈن ڈیمو کریٹس کی طرف سے باقاعدہ صدارتی امیدوار نامزد

0
27

ڈیمو کریٹس نے جو بائیڈن کو باقاعدہ صدارتی امیدوار نامزد کر دیا

باغی ٹی وی : ڈیمو کریٹس نے جو بائیڈن کو باقاعدہ صدارتی امیدوار نامزد کر دیا، ڈیمو کریٹک نیشنل کنونشن میں منظوری دے دی گئی، نومبر میں صدر ٹرمپ سے امریکی صدارت کے لیے مقابلہ کریں گے۔

سابق صدر بل کلنٹن اور جمی کارٹر نے بھی جوبائیڈن کی حمایت کر دی۔ بل کلنٹن نے کہا کہ صدر ڈونلڈ ٹرمپ نے اوول آفس میں افرا تفری پیدا کر رکھی ہے۔ ریپبلکنز کے سابق وزیر خارجہ کولن پاؤل نے بھی ڈیمو کریٹک امیدوار کی حمایت کر دی
امریکہ کی 15 ریاستوں میں تازہ سروے نتائج سے پتہ چلتا ہے کہ جو بائیڈن 49 فیصد اور ٹرمپ کو 48 فیصد محبوبیت حاصل ہے۔

تین نومبر کو امریکہ میں صدارتی انتخابات ہونے والے ہیں جن میں ڈیموکریٹ پارٹی کے امیدوار جو بائیڈن کو امریکہ کے موجودہ صدر ڈونلڈ ٹرمپ کی بہ نسبت زیادہ ووٹ حاصل ہونے کا امکان ظاہر کیا جا رہا ہے۔

سیاسی مبصرین کا کہنا ہے کہ کورونا وائرس کو کنٹرول کرنے میں ٹرمپ کی ناقص کارکردگی، سیاہ فاموں کی تحریک اور ان کی متنازع پالیسیوں کی وجہ سے آئندہ صدارتی انتخابات میں انہیں کافی نقصان پہنچ سکتا ہے اور ٹرمپ کی متضاد پالیسیاں، اخلاقی بد عنوانیاں اور بد انتظامی ان کی محبوبیت میں کافی کمی کا سبب بنی ہیں۔

امریکی صدارتی انتخابات:ڈونلڈ ٹرمپ کےلیے خطرے کی گھنٹیاں بج گئیں : جو بائیڈن ٹرمپ سے 15 ریاستوں میں آگے

Leave a reply