fbpx

دین اسلام کیا ہے تحریر: ارشاد حسین

اسلام کا مطلب اطاعت ہے کسی اور کے آگے جھکنے کی بجائے نفس سے بالاتر ہو کے اللہ کے بتائے ہوئے سیدھے راستے پر زندگی گزارنا ہے پیغمبر حضرت محمد صلی اللہ علیہ وسلم کو اپنا رہنما تسلیم کرنا ہے اسلام وہ واحد دین ہے جو دیگر تمام ادیان کا احاطہ کرتا ہے رب کریم کا قرآن میں ارشاد ہے دین تو صرف اسلام ہے سورہ المائدہ آیت نمبر (3)میں رب کریم نے ارشاد فرمایا تمہارے لئے دین کو ہم نے مکمل کر لیا ہے نعمتوں کو تمام کردیا اور تمہارے لئے تمام ادیان دین اسلام کو منتخب کیا ہے جس رب نے ہم سب کو اس دین کا پیروکار بنایا اس رب کریم کا ہم جتنا شکر ادا کریں کم ہے ایک اچھا مسلمان بننے کے لئے ہم سب کو صاحب اعتبار بننا ہوگا حضرت محمد صلی اللہ علیہ وسلم کا فرمان ہے کہ مسلمان وہ ہے جس کے ہاتھ اور زبان پہ امین ہونے کا یقین ہو لوگوں کو۔ ہمارے نبی حضرت محمد صلی اللہ علیہ وسلم نے اس کی مثال قائم کی وہ مبارک ہستی اس قدر لائق اعتبار تھی کہ مشرکین بھی اپنی امانتیں ان کے پاس رکھوایا کرتے تھے ہمارے پیغمبر حضرت محمد صلی اللہ علیہ وسلم جب حضرت ابوبکر صدیق کے ساتھ ہجرت پر نکلے تو لوگوں کی بیش قیمت امانتیں ان کے پاس تھی وہ بیش قیمتی امانتیں کس کی تھی جانتے ہو ان کی جان کے دشمن مشرکین کی ہمارے پیغمبر حضرت محمد صلی اللہ علیہ وسلم ہجرت پر روانہ ہونے سے پہلے وہ امانتیں باحفاظت لوگوں تک پہنچانے کے لئے حضرت علی کے سپرد کر دیں سوچو اس معاشرے کے بارے میں جو ان کی جان کے دشمن تھے لیکن وہ اپنی قیمتی چیزیں امانتن ہمارے پیغمبر حضرت محمد صلی اللہ علیہ وسلم کے پاس رکھوایا کرتے تھے اب یہ بات تو طے ہے کہ صاحب اعتبار ہونا ضروری ہے عظیم حکمت پوشیدہ ہے اس میں ہمیں ہمیشہ پیغمبر حضرت محمد صلی اللہ علیہ وسلم کی مثال کو سامنے رکھنا چاہیے اپنی بساط کے مطابق اپنے پیغمبر کی طرح عمل کرنا چاہیے ہمارے پیغمبر کی زندگی انسانیت کے لئے مثال ہے اگر ہم نے نیک نیتی سے اس عمل کو انجام دینے کی کوشش کریں تو اللہ بھی ہماری مدد کرتا ہے ہم مسلمان بہت خوش قسمت ہیں اس مبارک ہستی کی امت میں شامل ہوئے اللہ پاک ہم سب کو کوشش کرنے والوں میں قرار دے آمین

@ir_Pti
twitter.com/ir_Pti