ڈینگی بلوچستان پہنچ گیا ، لسبیلہ میں بھی ڈینگی نے 14 افراد کو ڈنگ مارکر بیمار کردیا

کوئٹہ : مچھر ہویا مکھی ، ہوائیں ہویا بادل ، بارشیں ہویا طوفان یہ سب اللہ کے لشکر ہیں اور اللہ تعالیٰ اپنے ان لشکروں سے اپنے بندوں کو راہ راست پر لانے کے لیے کام لے سکتا ہے، ڈینگی بھی ان لشکروں میں سے ایک لشکر ہے ، جسے اللہ نے پاکستانی قوم پر آزمائش کے لیے کچھ ذمہ داریاں دے رکھی ہیں ،

ڈینگی مچھر نے جس طرح اس برس پورے ملک کو اپنی لپیٹ میں لے لیا ہے ، اور اس کے خلاف تمام تر حکومتی کوششیں اور جدید ترکرم کش ادویات استعمال کی گئیں اس سے قبل اس کی مثال نہیں ملتی ، یہ تمام ترکوششیں ناکام ثابت ہورہی ہیں ،

ڈینگی مچھر نے لاہور سے اپنے سفر کا آغاز کرتے ہوئے اب بلوچستان کے دوردراز علاقوں کے باسیوں کو بھی اپنی لپیٹ میں لےلیا ہے، اطلاعات کےمطابق لسبیلہ میں اب تک 14افرادمیں ڈینگی کی تشخیص ہوئی ہے، صوبائی سیکریٹری صحت حافظ عبدالماجد نےڈینگی کے خلاف حکومتی کوششوں کی تفصیلات بتاتے ہوئے کہا کہ ڈینگی سے متاثرہ علاقے لسبیلہ میں ڈاکٹروں کی ٹیمیں روانہ کردی گئیں،

صوبائی سیکریٹری حافظ عبدالماجد نے مزید کہا کہا بلوچستان میں ڈینگی پر قابو پانے کےلیےاقدامات اٹھائے جارہے ہیں، حکومت متاثرین کے علاج معالجے کے لیے بھی تمام تر کوششیں بروئے کار لائے گی