fbpx

قطری نائب وزیراعظم کی آرمی چیف سےملاقات۔افغانستان میں‌پاکستان کی حکمت عملی کوسراہا

راولپنڈی :قطر کےنائب وزیراعظم نے آرمی چیف جنرل قمر جاوید باجوہ سے ملاقات کی۔افغانستان میں‌پاکستان کی حکمت عملی کوسراہا اطلاعات کے مطابق پاکستان کے اہم دورے پرآئے ہوئے قطر کے نائب وزیر اعظم و وزیر خارجہ محمد بن عبدالرحمٰن الثانی نے چیف آف آرمی اسٹاف جنرل قمر جاوید باجوہ سے ملاقات کی۔

اس ملاقات میں‌ چیف آف آرمی اسٹاف جنرل قمر جاوید باجوہ کا کہنا ہے کہ پاکستان علاقائی امن واستحکام کے لیے اپنا مثبت کردار ادا کرتا رہے گا۔ملاقات میں علاقائی سلامتی اور باہمی دلچسپی کے امور پر تبادلہ خیال کیا گیا۔

اس موقع پرآرمی چیف نے کہا کہ پاکستان علاقائی امن واستحکام کے لئے مثبت کردار ادا کرتا رہے گا۔قطری نائب وزیر اعظم نے دہشت گردی کے خلاف جنگ اور خطے میں امن و استحکام کی کوششوں میں پاکستان کی کامیابیوں کو سراہا۔

پاک فوج کے ترجمان ادارے آئی ایس پی آر کے مطابق علاقائی سلامتی کی صورتحال بالخصوص افغانستان کی موجودہ صورتحال اور مختلف شعبوں میں تعاون پر تبادلہ خیال کیا گیا۔

اس موقع پرآرمی چیف نے قطر کی انسانی ہمدردی پرکوششوں کوسراہتے ہوئے کہا کہ امید ہے کہ قطراپنی روایات برقراررکھتے ہوئے افغانوں کی مدد کے لیے بھرپورتعاون جاری رکھے گا۔

آرمی چیف نے کہا کہ پاکستان اپنے بین الاقوامی شراکت داروں کے ساتھ خطے میں امن اور افغانستان کے لوگوں کے مستحکم اور خوشحال مستقبل کو یقینی بنانے کے لیے پرعزم ہے۔

مہمان خصوصی نے افغانستان سے کامیاب انخلاء آپریشنز ، علاقائی استحکام کے لیے کوششوں میں پاکستان کے کردار کو سراہا اور ہر سطح پر پاکستان کے ساتھ سفارتی تعاون میں مزید بہتری کے لیے اپنا کردار ادا کرنے کا عہد کیا۔

Facebook Notice for EU! You need to login to view and post FB Comments!