ڈیرہ غازی خان(نیوز رپورٹرشاہدخان) آر پی او کیپٹن (ر) سجاد حسن خان کی جانب سے عوامی مسائل کے حل کے لیے روزانہ کی بنیاد پر کھلی کچہری کے انعقاد کا سلسلہ جاری ہے، جہاں شہریوں کی شکایات سنی جا رہی ہیں اور فوری احکامات جاری کیے جا رہے ہیں۔
کھلی کچہری میں ڈیرہ غازی خان، مظفرگڑھ، کوٹ ادو، راجن پور اور لیہ سے آئے سائلین کی درخواستوں پر سماعت کی گئی، جس کے بعد آر پی او نے متعلقہ افسران کو فوری ایکشن لینے اور رپورٹ پیش کرنے کی ہدایت کی۔ انہوں نے مارک کی گئی تمام درخواستوں کا مکمل فالو اپ لینے کا بھی حکم دیا۔
آر پی او کیپٹن (ر) سجاد حسن خان کا کہنا تھا کہ کسی بھی شہری کے ساتھ زیادتی برداشت نہیں کی جائے گی اور انصاف کی فراہمی ہر صورت یقینی بنائی جائے گی۔
