5 ماہ میں 31 بار کورونا کا شکار ہونے کے باوجود خاتون صحت مند؟کیوں اورکیسے

0
29

نئی دہلی: 5 ماہ میں 31 بار کورونا کا شکار ہونے کے باوجود خاتون صحت مند؟کیوں اورکیسے،اطلاعات کے مطابق بھارت میں 5 ماہ کے عرصے کے دوران 31 بار کورونا وائرس کا شکار ہونے والی خاتون عالمی وباء کے باوجود صحت مند زندگی گزارنے لگی ، ماہرین بھی حیران رہ گئے۔

بھارتی میڈیا کے مطابق بھارت کے علاقے راجستھان سے تعلق رکھنے والی خاتون کا 5 ماہ میں 31 بار کورونا وائرس کا ٹیسٹ مثبت آیا ، 32 سالہ خاتون کا گزشتہ سال اگست سے مسلسل کورونا وائرس کا ٹیسٹ مثبت آرہا تھا ،

بھارتی میڈیا کا کہنا ہے کہ اس دوران ان کے 14 بار آر ٹی پی سی آر ٹیسٹ کیے گئے جب کہ 17 بار اینٹی جن ٹیسٹ بھی کروائے گئے جن سب میں کورونا وائرس مثبت آیا تاہم مسلسل کورونا ٹیسٹ مثبت آنے کے باجوود اس خاتون میں موجود وائرس دوسروں کو متاثر نہیں کرسکا۔

بتایا گیا ہے کہ خاتون میں 24 اگست 2020 کو کورونا کی تشخیص ہوئی جس کے بعد وقفے وقفے سے کچھ عرصے کے بعد 31 بار ہونے والے اس کے کورونا وائرس کے ٹیسٹوں کے نتائج بھی مثبت آئے ، تاہم اب اس میں کورونا کی کوئی علامت نہیں پائی جاتی۔

خاتون کا علاج کرنے والے ڈاکٹر کپتان سنگھ نے کہا ہے کہ خاتون میں علامات نہ ہونے کی ایک وجہ یہ بھی ہوسکتی ہے کہ ٹیسٹ میں خاتون کی آنتوں اور جسم میں موجود غیر فعال وائرس کی شناخت ہورہی ہے۔

Leave a reply