ساہیوال:دیور کا بھابھی پر بدترین تشدد:وائرل ویڈیونے ہردل دکھی کردیا ،اطلاعات کے مطابق ساہیوال کے علاقے نور شاہ میں گھریلو جھگڑے پر دیور نے بھابھی پر بدترین تشدد کیا، گلی میں گھسیٹتا رہا، ویڈیو سوشل میڈیا پر وائرل ہو گئی۔
میڈیا رپورٹس کے مطابق ملزم عبدالرحمان نے اپنی بھابھی پر تھپڑوں اور ڈنڈوں کے ساتھ تشدد کیا لیکن تھانہ نورشاہ پولیس نے روایتی بے حسی کا مظاہرہ کرتے ہوئے مظلوم کی کوئی شنوائی نہیں کی۔
ANIMAL https://t.co/23uBLHSwiR
— Mubasher Lucman (@mubasherlucman) August 25, 2021
ایس ایچ او تھانہ نورشاہ کا کہنا ہے کہ دونوں بھائیوں کا گھریلو معاملہ پر جھگڑا ہوا جس پر دیور نے بھابھی کو سرعام گلی میں تشدد کیا۔ دونوں پارٹیوں کی طرف سے درخواستیں موصول ہو گئی ہیں جس پر کارروائی کی جا رہی ہے۔
ادھر ذرائع کا کہنا ہے کہ پولیس کی اس کیس میں عدم دلچسپی کی وجہ سے ملزم فرار ہو چکا ہے، بھابھی پر سرعام تشدد کرنے والے دیور کو تاحال پولیس گرفتار نہیں کر سکی ہے۔