ڈیرہ غازیخان ،باغی ٹی وی (نامہ نگار شہزاد خان)ضلع ڈیرہ غازیخان میں جاری انسداد پولیو مہم کے دوران 2سے 6، اکتوبر تک پانچ سال سے کم عمر بچوں کے مجموعی ٹارگٹ 772848 سے زائد 797668 بچوں کو 103.21فیصد کوریج کے ساتھ حفاظتی قطرے پلائے گئے ہیں. محکمہ صحت کے ترجمان کے مطابق ڈپٹی کمشنر مہر شاہد زمان لک کی ہدایت پرضلع سے پولیو کے مکمل خاتمہ کیلئے خصوصی اقدامات کیے گئے ہیں. صوبوں کے سنگم پر واقع ہونے کی وجہ سے ضلع ڈیرہ غازیخان میں مسافربچوں کی آمدورفت رہتی ہے اور ان بچوں کو قطرے پلانے پر فوکس کیاگیا ہے اور پانچ سال تک کے ہر بچے کو قطرے پلانے کیلئے موبائل، ٹرانزٹ اور فکسڈپوائنٹس پر پولیو ٹیموں نے محنت اور مستعدی سے کام کر کے سوفیصد سے زائد ٹارگٹ کے حصول کو ممکن بنایا ہے
