ڈیرہ غازیخان۔2 سال سے مفرور قتل و اقدام قتل کا اشتہاری ملزم گرفتار،

ڈیرہ غازیخان.باغی ٹی وی (نامہ نگار جواد اکبر)دو سال سے مفرور قتل و اقدام قتل کے مقدمات میں مطلوب A کیٹیگری کا مجرم اشتہاری گرفتار، تھانہ صدر پولیس نے مزید کاروائی شروع کر دی۔
تفصیلات کے مطابق ڈی پی او میاں محمد اکمل کی خصوصی ہدایت پر مجرمان اشتہاریوں کی گرفتاری عمل میں لانے کے لئے ڈیرہ غازیخان پولیس کا کریک ڈاون جاری ہے اسی سلسلہ میں ایس ایچ او تھانہ صدر غفار احمد معہ ٹیم نے شب و روز کی انتھک محنت کے بعد دو سال سے مفرور قتل و اقدام قتل میں مطلوب A کیٹیگری کے مجرم اشتہاری لیاقت ولد عبدالرحمان قوم حجانہ کو گرفتار کر لیا۔ مجرم اشتہاری لیاقت نے سابقہ دشمنی پر شہباز کو قتل جبکہ کامران اور اللہ بخش کو فائرنگ سے مضروب کیا تھا جس پر تھانہ صدر پولیس نے مقدمات درج کرتے ہوئے قانونی کاروائی شروع کر دی تھی۔

Leave a reply