ڈیرہ غازی خان : تھانہ گدائی پولیس کی کارروائی صوبہ بلوچستان سے پنجاب لائی جانے والی چرس کی سمگلنگ ناکام،10 کلو چرس برآمد

باغی ٹی وی ،ڈیرہ غازی خان(شہزادخان) تھانہ گدائی پولیس کی کارروائی صوبہ بلوچستان سے پنجاب لائی جانے والی چرس کی سمگلنگ ناکام،10 کلو چرس برآمد
تفصیل کے مطابق ایس ایچ او تھانہ گدائی علی محمد نے بتایا کہ اے ایس پی ایاز خان کی ہدایت پر منشیات فروشوں کے خلاف بھر پور کریک ڈاون جاری ہے اسی سلسلے میں مخبر کی اطلاع پر تھانہ گدائی پولیس نے ہائی ایس نمبر MNX/755 کو روکا تو ہائی ایس کا ڈرائیور جس کا نام علی داد ولد میاں خان ہائی ایس کو چھوڑ کر بھاگ گیا اور اس سے بھاگتے ہوئے ہاتھ میں اٹھایا ہوا گٹو گر گیا جس کی تلاشی لینے پر گٹو میں سے کل 10 کلو چرس برآمد ہوئی۔ تھانہ گدائی پولیس نے مقدمہ درج کرتے ہوئے مزید قانونی کاروائی شروع کر دی ہے۔اس موقع پر ایس ایچ او کا کہنا تھا کہ ایس پی انوسٹی گیشن غیور احمد خان کی ہدایت پر منشیات سمگلروں سے آہنی ہاتھوں سے نمٹا جائے گا ایسے جرائم پیشہ افراد کو کسی صورت بھی برداشت نہیں کیا جائے گا۔

Leave a reply