ممبئی میں تین بڑے بینکوں کو دھمکی آمیز ای میل موصول ہوئی ہیں جس میں شہر کے 11 مقامات پر بم نصب کرنے کی اطلاع دی گئی ہے-
باغی ٹی وی : ممبئی پولیس کے مطابق ای میل ریزرو بینک آف انڈیا کے گورنر کو ان کی ای میل آئی ڈی سے تقریباً صبح 10بج کر 50 منٹ سے دوپہر ایک بج کر 30 منٹ کے دوران بھیجی گئیں، آر بی آئی کے علاوہ ایچ ڈی ایف سی ہاؤس چرچ گیٹ اور آئی سی آئی سی آئی بینک ٹاور بیندرا کورلا کمپلیکس کو بھی موصول ہوئی ۔
پنجاب حکومت کا لائسنس کی فیسوں میں اضافے کا فیصلہ
پولیس کے مطابق ای میل میں کہا گیا کہ ہم نے 11 بم ممبئی آر بی آئی کے ساتھ نجی شعبے کے بینکوں میں مختلف جگہوں پر نصب کیے ہیں، ان بینکوں نے بھارتی تاریخ کی سب بڑی جعل سازی کی ہے، ای میل کے مطابق اس جعل سازی میں ریزرو بینک آف انڈیا کے گورنر شکتی کانتا داس، وزیر خزانہ نرملا سیتا رامن، اعلیٰ ترین بینک افسران اور کچھ معروف بھارتی وزرا ملوث ہیں ای میل میں مالی گھپلے بازی پر بھارتی وزیر خزانہ نرملا سیتھار امن سے مستعفی ہونے کا بھی مطالبہ کیا گیا،پولیس کا کہنا ہے کہ یہ بم کی اطلاع افواہ جھوٹی تھی، تلاشی کے بعد تمام 11 مقامات کو کلیئر قرار دے دیا۔
